ಶಿಗ್ಗಾಂವಿ ಪಟ್ಟಣದ ಪಿಗ್ಮಿ ಕಲೆಕ್ಟರ್​ಗೂ ಕೊರೊನಾ ದೃಢ

ಹಾವೇರಿ: ಇಲ್ಲಿನ ಶಿಗ್ಗಾಂವಿ ಪಟ್ಟಣದ ಪಿಗ್ಮಿ ಕಲೆಕ್ಟರ್​ಗೆ ಕೊರೊನಾ ದೃಢಪಟ್ಟಿದೆ. ಕಂಟೇನ್ಮೆಂಟ್ ಜೋನ್​ನ ಪೇಷೆಂಟ್​ ನಂಬರ್​ P8292ರ ಸಂಪರ್ಕದಿಂದ ಕೊರೊನಾ ಸೋಂಕು ತಗುಲಿದೆ. ಈ ಪಿಗ್ಮಿ ಕಲೆಕ್ಟರ್​ ಕಿತ್ತೂರು ರಾಣಿ ಚೆನ್ನಮ್ಮ ಕೋ-ಆಪರೇಟಿವ್ ಸೊಸೈಟಿಯಲ್ಲಿ ಹಣ ಜಮಾ ಮಾಡುತ್ತಿದ್ದನೆಂದು ತಿಳಿದುಬಂದಿದೆ. ಅಷ್ಟೇ ಅಲ್ಲದೆ, ಹೋಲ್​ಸೇಲ್ ಅಂಗಡಿಗಳಿಗೆ ಸಕ್ಕರೆ ಸರಬರಾಜು ಮಾಡುತ್ತಿದ್ದ ಎನ್ನಲಾಗಿದ್ದು, ಜೂನ್ 17ರಂದು ಬಂಕಾಪುರ ಪಟ್ಟಣದ 11 ಹೋಲ್​ಸೇಲ್ ಅಂಗಡಿಗಳಿಗೆ ಮತ್ತು ಶಿಗ್ಗಾಂವಿ ಪಟ್ಟಣದ 6 ಹೋಲ್​ಸೇಲ್ ಅಂಗಡಿಗಳಿಗೆ ಸಕ್ಕರೆ ಸರಬರಾಜು ಮಾಡಿದ್ದಾನೆ. ಸೋಂಕಿತನ ಸಂಪರ್ಕ ಹೊಂದಿದ್ದ ಹಿನ್ನೆಲೆಯಲ್ಲಿ ಜೂನ್ 22 ರಂದು ಸ್ವ್ಯಾಬ್ ಟೆಸ್ಟ್​ ಮಾಡಲಾಗಿತ್ತು.