ವಿಜಯಪುರಕ್ಕೂ ಕೊರೊನಾ ಸೋಂಕು.. ಜಿಲ್ಲಾಡಳಿತ ಕಟ್ಟೆಚ್ಚರ!! - ವಿಜಯಪುರದಲ್ಲಿ ವೃದ್ಧೆಗೆ ಕೊರೊನಾ ಸೋಂಕು

60 ವರ್ಷದ ಮಹಿಳೆಗೆ ಕೊರೊನಾ ವೈರಸ್ ಸೋಂಕು ದೃಢಪಟ್ಟ ಬೆನ್ನಲ್ಲೇ ನಗರದ ಜನತೆ ಆತಂಕಕ್ಕೊಳಗಾಗಿದ್ದಾರೆ. ಬಡೆಕಮಾನ್, ಗೋಳಗುಮ್ಮಟ, ಚಪ್ಪರಗಲ್ಲಿ ಸೇರಿ ಹಲವು ಬಡಾವಣೆಗಳನ್ನ‌ ಜಿಲ್ಲಾಡಳಿತ ಈಗಾಗಲೇ ಸೀಲ್​​ಡೌನ್ ಮಾಡಿದೆ. ಬಡಾವಣೆಗಳ ಒಳ ರಸ್ತೆಗಳಿಗೆ ಬ್ಯಾರಿಕೇಡ್‌ ಹಾಕಿ ಪೊಲೀಸ್ ಬಿಗಿ ಬಂದೋಬಸ್ತ್ ನಿಯೋಜಿಸಲಾಗಿದೆ. ಸೋಂಕಿತ ಮಹಿಳೆಯ ಸಂಪರ್ಕದಲ್ಲಿದ್ದವರನ್ನ ಆರೋಗ್ಯ ಇಲಾಖೆ ಪತ್ತೆ ಹಚ್ಚುವ ಕಾರ್ಯಕ್ಕೆ ಮುಂದಾಗಿದೆ.