ಕೂಲಿ ಕಾರ್ಮಿಕರ ಕೈ ಕಾಲು ಕಟ್ಟಿ ಗುತ್ತಿಗೆದಾರನಿಂದ ಅಮಾನುಷ ಥಳಿತ: ವಿಡಿಯೋ ನೋಡಿ

ಮಹಾರಾಷ್ಟ್ರ: ಇಬ್ಬರು ಕೂಲಿ ಕಾರ್ಮಿಕರ ಕೈ ಕಾಲುಗಳನ್ನು ಕಟ್ಟಿ ಗುತ್ತಿಗೆದಾರನೊಬ್ಬ ಅಮಾನುಷವಾಗಿ ಥಳಿಸಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ. ಸೋಲಾಪುರ್​-ಮಾದ ತಾಲೂಕಿನ ಭೂತಾಶ್ತೆ ಗ್ರಾಮದಲ್ಲಿ ಘಟನೆ ನಡೆದಿದೆ. ವಿಕಾಸ್​ ನಾಯ್ಕವಾಡೆ, ಸೇವಕ್​ ಕಸ್ಬೆ ಥಳಿತಕ್ಕೊಳಗಾದ ಕಾರ್ಮಿಕರು. ಈ ಕುರಿತು ಕಾರ್ಮಿಕನ ಪತ್ನಿ ಸೋನಾಲಿ ವಿಕಾಸ್ ನಾಯ್ಕವಾಡೆ ಮಾದ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದು, ಬಾಲಾಜಿ ಮೋರೆ, ಬಾಲಚಂದ್ರ ಅನಂತ ಯಾದವ್ ಸೇರಿದಂತೆ ನಾಲ್ವರ​ ವಿರುದ್ಧ ಪ್ರಕರಣ ದಾಖಲಾಗಿದೆ. ಕೂಲಿ ಕಾರ್ಮಿಕರಿಗೆ ಥಳಿಸಿದ ವಿಡಿಯೋ ನೋಡಿ ಸಿಟ್ಟಿಗೆದ್ದ ಸಾರ್ವಜನಿಕರು ಭಾರಿ ಆಕ್ರೋಶ ವ್ಯಕಪಡಿಸುತ್ತಿದ್ದಾರೆ.