ಬೇಡಿಕೊಂಡ್ರೂ ಬಿಡದ ಸರ್ಪ... ತಾಯಿ ಶ್ವಾನದ ಎದುರೇ ಮರಿಗಳನ್ನು ಕಚ್ಚಿ-ಕಚ್ಚಿ ಕೊಂದ ನಾಗ! ವಿಡಿಯೋ...

ತೆಲಂಗಾಣದ ಹೈದರಾಬಾದ್​ ನಾಗೋಲ್​ನ ಆರ್ಟಿಎ ಕಾರ್ಯಾಲಯ ಬಳಿ ಮನಕಲಕುವಂತ ಘಟನೆಯೊಂದು ನಡೆದಿದೆ. ಕಾರ್ಯಾಲಯದ ಸಮೀಪದ ಕಾರ್​ ಶೆಡ್​ನಲ್ಲಿ ಶ್ವಾನವೊಂದು ನಾಲ್ಕು ಮರಿಗಳಿಗೆ ಜನ್ಮ ನೀಡಿತ್ತು. ಆದ್ರೆ ಆ ತಾಯಿ ಶ್ವಾನದ ಸಂತೋಷವನ್ನು ನಾಗರಹಾವು ಕಸಿದುಕೊಂಡಿದೆ. ಶೆಡ್​ ಬಳಿ ಬಂದ ನಾಗರಹಾವು ಶ್ವಾನದ ಎರಡು ಮರಿಗಳ ಮೇಲೆ ದಾಳಿ ಮಾಡಿದೆ. ನಾಗರಹಾವಿನಿಂದ ಶ್ವಾನ ತನ್ನ ಮರಿಗಳನ್ನು ಕಾಪಾಡಲು ಯತ್ನಿಸಿದ್ರೂ ಪ್ರಯೋಜನವಾಗಿಲ್ಲ. ತಾಯಿ ಶ್ವಾನದ ಎದುರೇ ಹಾವು ಎರಡು ಮರಿಗಳನ್ನು ಕಚ್ಚಿ ಸಾಯಿಸಿತು. ಬಳಿಕ ಹಾವು ಅಲ್ಲಿಂದ ಕಾಲ್ಕಿತ್ತಿದೆ. ಮರಿಗಳನ್ನು ಕಳೆದುಕೊಂಡ ಆ ಶ್ವಾನದ ಆಕ್ರಂದನ ನೆರೆದಿದ್ದವರನ್ನು ಮರುಗುವಂತೆ ಮಾಡಿತು.