ಮಧುಮೇಹಿಗಳಿಗೆ ಡಯಟ್​ಗೆ ತಕ್ಕಂತೆ ರುಚಿಕರ ಆರೋಗ್ಯಕರ ಊಟದ ರೆಸಿಪಿಗಳಿವು..

ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಣ ಮಾಡುವ ಜೊತೆ ಜೀವನ ಶೈಲಿಯಲ್ಲಿನ ಕೆಲವು ಬದಲಾವಣೆ ನಡೆಸುವುದು ಅವಶ್ಯ. ರಕ್ತದ ಸಕ್ಕರೆ ಮಟ್ಟದಲ್ಲಿ ಆಹಾರ ಸಾಕಷ್ಟು ಪ್ರಮುಖ ಪಾತ್ರವಹಿಸುತ್ತದೆ. ಡಯಾಬಿಟಿಸ್​ ಹೊಂದಿರುವ ಜನರು ತಮ್ಮ ಡಯಟ್​ ಪ್ಲಾನ್​ ಜೊತೆ ಯಾವಾಗ ಮತ್ತು ಏನು ಊಟಮಾಡಬೇಕು ಎಂಬುದಕ್ಕೆ ಹೆಚ್ಚು ಗಮನಹರಿಸುತ್ತಾರೆ.

ಡಯಾಬಿಟಿಸ್​ ನಿಮ್ಮ ಅನೇಕ ನೆಚ್ಚಿನ ತಿಂಡಿಗಳಿಂದ ನಿಮ್ಮನ್ನು ದೂರ ಇಡುತ್ತದೆ. ಆದರೆ, ಆರೋಗ್ಯಕರ ಆಹಾರ ಶೈಲಿಯು ನಿಮ್ಮನ್ನು ಈ ಚಿಂತೆಯಿಂದ ಮುಕ್ತಿಗೊಳಿಸುತ್ತದೆ. ಇದಕ್ಕೆ ಅಗತ್ಯವಾದ ಡಯಟ್​ ಪ್ಲಾನ್​ ಮಾಡುವುದು ಅವಶ್ಯ.

ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಣ ಮಾಡುವ ಜೊತೆ ಜೀವನ ಶೈಲಿಯಲ್ಲಿನ ಕೆಲವು ಬದಲಾವಣೆ ನಡೆಸುವುದು ಅವಶ್ಯ. ರಕ್ತದ ಸಕ್ಕರೆ ಮಟ್ಟದಲ್ಲಿ ಆಹಾರ ಸಾಕಷ್ಟು ಪ್ರಮುಖ ಪಾತ್ರವಹಿಸುತ್ತದೆ. ಡಯಾಬೀಟಿಸ್​ ಹೊಂದಿರುವ ಜನರು ತಮ್ಮ ಡಯಟ್​ ಪ್ಲಾನ್​ ಜೊತೆ ಯಾವಾಗ ಮತ್ತು ಏನು ಊಟಮಾಡಬೇಕು ಎಂಬುದಕ್ಕೆ ಹೆಚ್ಚು ಗಮನಹರಿಸುತ್ತಾರೆ. ಡಯಾಬಿಟಿಸ್​ ನಿರ್ವಹಣೆ ಮಾಡಲು ದೈನದಿಂದ ಆಹಾರ ಕ್ರಮದ ಬಗ್ಗೆ ಜಾಗರೂಕರಾಗಿರುವ ಜೊತೆ ಅದನ್ನು ಸರಿಯಾದ ಪ್ರಮಾಣದಲ್ಲಿ ಸೇವಿಸುತ್ತಿದ್ದೇವಾ ಎಂಬುದನ್ನು ನಿರ್ವಹಣೆ ಮಾಡಬೇಕಾಗುತ್ತದೆ.

ಪ್ರಮಾಣೀಕೃತ ಫಾಸ್ಟ್​ ಅಂಡ್​ ಅಪ್ ಆರೋಗ್ಯ ಮತ್ತು ಸ್ವಾಸ್ಥ್ಯ ತರಬೇತುದಾರರಾದ ಪ್ರತಿಭಾ ಶರ್ಮಾ ಕೆಲವು ರುಚಿಕರ ಪಾಕವಿಧಾನವನ್ನು ಹಂಚಿಕೊಂಡಿದ್ದು, ನಿಮ್ಮ ಡಯಟ್​ ಪ್ಲಾನ್​ ಮತ್ತು ಆರೋಗ್ಯಕ್ಕೆ ಇವು ಸಹಾಯ ಮಾಡುತ್ತದೆ.

ಮೆಕ್ಸಿಕನ್​ ವೆಜಿಟೇಬಲ್​ ಸಲಾಡ್​

ಇದಕ್ಕೆ ಬೇಕಾಗುವ ಸಾಮಗ್ರಿಗಳು: ಎಕ್ಸ್​ಟ್ರಾ ವರ್ಜಿನ್​ ಆಯಿಲ್​ 2 ಟಿ ಸ್ಪೂನ್, ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು, ಎರಡು ಜಜ್ಜಿದ ಬೆಳ್ಳುಳ್ಳಿ, ​ಓರೆಗಾನೊ 2 ಟಿ. ಸ್ಪೂನ್​, ನಿಂಬೆ ರಸ 3 ಟಿ. ಸ್ಪೂನ್​, ಜೀರಿಗೆ ಪುಡಿ ಮುಕ್ಕಾಲು ಚಮಚ, ಚಿಲ್ಲಿ ಫ್ಲೆಕ್ಸ್​ ಕಾಲು ಚಮಚ,

ಸಲಾಡ್​ಗೆ: ಲೆಟಿಸ್​ 200 ಗ್ರಾಂ, ಟೊಮಟೋ 3 ರಿಂದ 4, ಕಾರ್ನ್​ ಕಾಲು ಕಪ್​, ಬೇಯಿಸಿದ ಕಿಡ್ನಿ ಬೀನ್ಸ್​ ಅರ್ಧ ಕಪ್​, ಬೆಲ್​ ಪೆಪ್ಪರ್

ತಯಾರಿಸುವ ವಿಧಾನ ಹೀಗೆ..ಪಾತ್ರೆಗೆ ಆಲಿವ್​ ಆಯಿಲ್​, ಕೊತ್ತಂಬರಿ, ಬೆಳ್ಳುಳ್ಳಿ, ಓರೆಗಾನ್​, ನಿಂಬೆ ರಸ, ಜೀರಿಗೆ ಪುಡಿ ಮತ್ತು ಚಿಲ್ಲಿ ಫ್ಲೆಕ್ಸ್​ ಅನ್ನು ಸೇರಿಸಿ ಅದನ್ನು ಚೆನ್ನಾಗಿ ಕಲಸಿ.

ಕತ್ತರಿಸಿದ ಲೆಟಿಸ್​, ಟೊಮಟೋ, ಬೆಲ್​ ಪೆಪ್ಪರ್​​​, ಕಾರ್ನ್​ ಮತ್ತು ಬೇಯಿಸಿದ ಕಿಡ್ನಿ ಬೀನ್ಸ್​ ಅನ್ನು ಅದಕ್ಕೆ ಮಿಕ್ಸ್​ ಮಾಡಿದರೆ ಮೆಕ್ಸಿಕನ್​ ಸಲಾಡ್​ ಸಿದ್ದ.

ಸ್ಟೈರ್​ ಫ್ರೈ ತೋಫು

ಬೇಕಾಗುವ ಸಾಮಗ್ರಿಗಳು:ಆಲಿವ್​ ಆಯಿಲ್​ 2 ಟಿ.ಸ್ಪೂನ್​, ತೋಫು​ 2 ಟಿ.ಸ್ಪೂನ್​ ಸೋಯಾ ಸಾಸ್​ 2 ಟಿ ಸ್ಪೂನ್​, ಬ್ರಕೋಲಿ 1 ಕಪ್​, ಮಶ್ರೂಮ್​ 8 ರಿಂದ 10, ಎಳ್ಳು 2 ಸ್ಪೂನ್​, ಬೇಯಿಸಿದ ಬ್ರೋನ್​ ರೈಸ್​ 120 ಗ್ರಾಂ,

ಮಾಡುವ ವಿಧಾನವಿದು..ಪಾತ್ರೆಗೆ ಆಲಿವ್​ ಆಯಿಲ್​ ಹಾಕಿ ಅದಕ್ಕೆ ತೋಫು ಅನ್ನು ಸೇರಿಸಿ ಅದನ್ನು ಕಂದು ಬಣ್ಣ ಬರುವವರೆಗೆ ಹುರಿಯಿರಿ ಬಳಿಕ ಸೋಯಾ ಸಾಸ್​ ಹಾಕಿ ಒಂದು ನಿಮಿಷ ಬಾಡಿಸಿ, ಅದಕ್ಕೆ ಈಗ ಬ್ರಕೋಲಿ, ಮಶ್ರೂಮ್​ ಮತ್ತಷ್ಟು ಸೋಯಾ ಸಾಸ್​ ಆಗಿ ಕೆಲವು ನಿಮಿಷ ಚೆನ್ನಾಗಿ ಬಾಡಿಸಿ. ಬಳಿಕ ಎಳ್ಳಿನ ಬೀಜ ಹಾಕಿದರೆ ರುಚಿಕರವಾದ ತೋಫು ಸಿದ್ದ.

ಜೋಚ್ಚಿನಿ ಬಾಸಿಲ್​ ನ್ಯೂಡಲ್ಸ್​

ಬೇಕಾಗುವ ಸಾಮಗ್ರಿಗಳು:ಜೋಚ್ಚಿನಿ (ಚೀನೀಕಾಯಿ) - 2 , ಆಲಿವ್​ ಆಯಿಲ್​ 2 ಟಿ.ಸ್ಪೂನ್​, ಬೆಳ್ಳುಳ್ಳಿ ಒಂದು ಗಡ್ಡೆ, ಟೊಮಟೋ 1, ಚಿಲ್ಲಿ ಫ್ಲೆಕ್ಸ್​ ಕಾಲು ಟಿ ಸ್ಪೂನ್​, ರುಚಿಗೆ ಉಪ್ಪು ಮತ್ತು ಮೆಣಸು, ಒಂದು ಕಪ್​ ತಾಜಾ ತುಳಸಿ

ಮಾಡುವ ಬಗೆ ಹೀಗಿದೆ..: ಪಾತ್ರೆಯಲ್ಲಿ ಆಲಿವ್​ ಆಯಿಲ್​ ಕಾದ ಬಳಿಕ ಅದಕ್ಕೆ ಜೋಚ್ಚಿನಿ ಆಗಿ ಬಾಡಿಸಿ, ಬಳಿಕ ಅದಕ್ಕೆ ಬೆಳ್ಳುಳಿ, ಟೊಮಟೋ ಹಾಕಿ ಒಂದು ನಿಮಿಷ ಹುರಿಯಿರಿ, ದಿಕ್ಕೆ ಚಿಲ್ಲಿ ಫ್ಲೆಕ್ಸ್​, ಉಪ್ಪುಮ ಮೆಣ್ಣಸು ಹಾಕು ಕಡೆಯಲ್ಲಿ ಅದಕ್ಕೆ ತುಳಸಿ ಹಾಕಿ ಮಿಕ್ಸ್​ ಮಾಡಿ.

ಇಟಾಲಿಯನ್​ ವೆಜಿಟೇಬಲ್​ ಮೈನ್ಸ್ಟೋನ್​ ಸೂಪ್​

ಬೇಕಾಗುವ ಸಾಮಾಗ್ರಿ: ಆಲಿವ್​ ಆಯಿಲ್​ 2 ಟಿ. ಸ್ಪೂನ್​, ಕತ್ತರಿಸಿದ ಈರುಳ್ಳಿ 1, ಕ್ಯಾರೆಟ್​ 1, ಮುಡಿಯಷ್ಟು ಸೆಲರಿ, ಟೊಮಟೋ ಪೇಸ್ಟ್​ 2 ಟಿಸ್ಪೂನ್​, ರುಚಿಗೆ ಉಪ್ಪು, ಕರಿ ಮೆಣಸು, ಬೆಳ್ಳುಳಿ, ಓರೆಗಾನೊ 1 ಟಿ. ಸ್ಪೂನ್​, ಕಸೂರಿ ಮೆಂಥಿ ಕಾಲು ಟಿ. ಸ್ಪೀನ್​, ಬೇ ಲೀಫ್​ (ಪಾಲಾವ್​ ಎಲೆ) ಚಿಲ್ಲಿ ಫ್ಲೇಕ್ಸ್​ ಕಾಲು ಟಿ ಸ್ಪೂನ್​

ಮಾಡುವ ವಿಧಾನ ಹೀಗೆ..:

ಪಾತ್ರೆಯಲ್ಲಿ ಆಲಿವ್​ ಆಯಿಲ್​​ ಬಿಸಿ ಮಾಡಿ ಅದಕ್ಕೆ ಈರುಳ್ಳಿ, ಕ್ಯಾರೆಟ್​​, ಸೆಲರಿ, ಟಮೊಟೋ ಪೇಸ್ಟ್​ ಮತ್ತು ರುಚಿಗೆ ತಕ್ಕ ಉಪ್ಪು ಹಾಕಿ 7 ರಿಂದ 10 ನಿಮಿಷ ಹುರಿಯಿರಿ. ಅದಕ್ಕೆ ಬೆಳ್ಳುಳ್ಳಿ, ಓರೆಗಾನ್​, ಮತ್ತು ಕಸೂರಿ ಮೇಥಿ ಹಾಕಿ ಬಾಡಿಸಿ, ಮತ್ತಷ್ಟು ಉಪ್ಪು, ಪಾಲವ್​ ಎಲೆ ಮತ್ತು ಚಿಲ್ಲಿ ಫ್ಲೆಕ್ಸ್​ ಸೆರಿಸಿ ಬಳಿಕ ಕರಿಮಣಸು ಹಾಕಿ ಬಿಸಿಯಲ್ಲಿಯೇ ಸರ್ವ್​ ಮಾಡಿ.

ಈ ಪೌಷ್ಟಿಕ ಮತ್ತು ರುಚಿಕರ ಆಹಾರಗಳನ್ನು ನಿಮ್ಮ ರಾತ್ರಿ ಊಟಕ್ಕೆ ತಯಾರು ಮಾಡಬಹುದಾಗಿದ್ದು ಇದು ಡಯಾಬೀಟಿಕ್​ ಸ್ನೇಹಿ ಪಾಕ ವಿಧಾನಗಳಾಗಿವೆ. ವಿಶೇಷ ಎಂದರೆ ಡಯಾಬೀಟಿಸ್​ ಇಲ್ಲದ ಕುಟುಂಬ ಸದಸ್ಯರು ಈ ಸ್ವಾದಿಷ್ಟ ಆಹಾರವನ್ನು ಇಷ್ಟಪಡುತ್ತಾರೆ.

ಇದನ್ನೂ ಓದಿ: ದೀರ್ಘಕಾಲದ ಮದ್ಯಪಾನ ಸೇವನೆ ಕೋವಿಡ್ 19 ತೀವ್ರತೆಗೆ ಕಾರಣ