ಸೇಡಂನಲ್ಲಿ ವರುಣನ ಆರ್ಭಟ: 27 ಮನೆಗಳು ಕುಸಿತ

ತಾಲೂಕಿನಲ್ಲಿ ವರುಣನ ಆರ್ಭಟ ಜೋರಾಗಿದ್ದು, 158 ಮನೆಗಳಿಗೆ ನೀರು ನುಗ್ಗಿ 27 ಮನೆಗಳು ಕುಸಿತಗೊಂಡಿವೆ.

ಸೇಡಂ:ತಾಲೂಕಿನಲ್ಲಿ ಸುರಿಯುತ್ತಿರುವ ಭಾರಿ ಮಳೆ ಮತ್ತು ನದಿ ಪ್ರವಾಹದಿಂದ 158 ಮನೆಗಳಿಗೆ ನೀರು ನುಗ್ಗಿದೆ. 27 ಮನೆಗಳು ಕುಸಿತಗೊಂಡಿವೆ ಎಂದು ತಹಶೀಲ್ದಾರ್​​ ಬಸವರಾಜ ಬೆಣ್ಣೆಶಿರೂರು ಈಟಿವಿ ಭಾರತ್​ಗೆ ಮಾಹಿತಿ ನೀಡಿದ್ದಾರೆ.

ಅನೇಕ ಮನೆಗಳು ಜಲಾವೃತವಾದ ಪರಿಣಾಮ ನೂರಾರು ಜನರು ಮೇಲ್ಛಾವಣಿಯಲ್ಲಿ ಆಶ್ರಯ ಪಡೆಯುತ್ತಿರುವ ದೃಶ್ಯಗಳು ಸಾಮಾನ್ಯವಾಗಿ ಕಂಡುಬರುತ್ತಿವೆ. ಮಳಖೇಡದಲ್ಲಿ 3 ಪರಿಹಾರ ಕೇಂದ್ರ ಆರಂಭಿಸಲಾಗಿದ್ದು, 476 ಜನರಿಗೆ ಆಶ್ರಯ ಕಲ್ಪಿಸಲಾಗಿದೆ. ಜೊತೆಗೆ ಸಟಪಟನಹಳ್ಳಿಯ ಪರಿಹಾರ ಕೇಂದ್ರದಲ್ಲಿ 30 ಜನ ತಂಗಿದ್ದಾರೆ. ಅಲ್ಲದೆ ತೆಲ್ಕೂರ ಗ್ರಾಮದಲ್ಲಿ ಸಿಲುಕಿದ್ದ ಮೀನುಗಾರರ ರಕ್ಷಣೆ ಮಾಡಲಾಗಿದೆ ಎಂದು ತಿಳಿಸಿದ್ದಾರೆ.