ಕೊರೊನಾ ಸಂಕಷ್ಟದ ನಡುವೆ ಕೊನೆಗೊಂಡ ಸಂಭ್ರಮದ ಮೊಹರಂ

ಜಿಲ್ಲೆಯಲ್ಲಿ ಪ್ರತಿವರ್ಷದಂತೆ ಮೊಹರಂ ಆಚರಣೆಗೆ ಸಂಭ್ರಮದಿಂದ ಏರ್ಪಡಿಸಲಾಗಿತ್ತು. ಆದರೆ ಕಳೆದ ವರ್ಷಕ್ಕೆ ಹೋಲಿಸಿದರೆ ನಿರೀಕ್ಷೆಯಂತೆ ಜನರ ಆಗಮನ ಕಡಿಮೆಯಾಗಿತ್ತು. ಅಲ್ಲದೆ ಮೆರವಣಿಗೆ ಸಹ ಸರಳವಾಗಿ ನೆರವೇರಿಸಲಾಯಿತು.

ಮುದ್ದೇಬಿಹಾಳ (ವಿಜಯಪುರ): ಕೊರೊನಾ ವೈರಸ್ ಹಾವಳಿ ಮಧ್ಯೆಯೂ ತಾಲೂಕಿನ ವಿವಿಧೆಡೆ ಮೊಹರಂ ಹಬ್ಬವನ್ನು ಸಡಗರದಿಂದ ಆಚರಿಸಲಾಗಿದೆ. ತಾಲೂಕಿನ ಚವನಬಾವಿ ಗ್ರಾಮದಲ್ಲಿ ಪಾಂಜಾಗಳ ಮೆರವಣಿಗೆ ವೇಳೆ ಸಾಂಪ್ರದಾಯಿಕವಾಗಿ ಯುವಕರು ಹೆಜ್ಜೆ ಕುಣಿತದಲ್ಲಿ ಸಂಭ್ರಮಿಸಿದ್ದಾರೆ.

ತಾಲೂಕಿನ ಹಿರೇಮುರಾಳದಲ್ಲಿ ಪ್ರತಿವರ್ಷ ಕಂಡುಬರುತ್ತಿದ್ದ ಅದ್ದೂರಿ ಆಚರಣೆ ಈ ವರ್ಷ ಕಂಡುಬರಲಿಲ್ಲ. ಆದರೆ ಅಲಂಕೃತ ಡೋಲಿ, ಪಾಂಜಾಗಳನ್ನು ಮೆರವಣಿಗೆ ಅದ್ದೂರಿಯಾಗಿಯೇ ನೆರವೇರಿತು. ಈ ವೇಳೆ ಬೇರೆ ಬೇರೆ ಊರುಗಳಿಂದ ಆಗಮಿಸಿ ಡೋಲಿ, ಪಂಜಾಗಳ ಮೆರವಣಿಗೆ ನೋಡಲು ಕಿಕ್ಕಿರಿದು ಸೇರಿರುತ್ತಿದ್ದ ಗ್ರಾಮಸ್ಥರ ಸಂಖ್ಯೆ ಸಹ ಕಡಿಮೆಯಾಗಿತ್ತು.

ಅಲ್ಲದೆ ಮೆರವಣಿಗೆ, ನೃತ್ಯದ ವೇಳೆ ಸಾಮಾಜಿಕ ಅಂತರ, ಮಾಸ್ಕ್ ಧರಿಸದೇ ಇದ್ದದ್ದು ಕಂಡುಬಂದಿತು. ಇನ್ನು ಕೋವಿಡ್​ ಹಿನ್ನೆಲೆ ಅಬ್ಬರದ ಮೆರವಣಿಗೆ, ಪೂಜೆಗೆ ಕಡಿವಾಣ ಹಾಕಲಾಗಿತ್ತು, ಇದರಿಂದ ನಾಲತವಾಡ ಪಟ್ಟಣದಲ್ಲಿ ಅಲಾಯ್ ದೇವರುಗಳ ಮೆರವಣಿಗೆ ಸಹ ರದ್ದು ಮಾಡಲಾಗಿತ್ತು.