ವಿಜಯಪುರ : ಟ್ರ್ಯಾಕ್ಟರ್ ಪಲ್ಟಿಯಾಗಿ ರೈತನೊಬ್ಬ ಸಾವನ್ನಪ್ಪಿರುವ ಘಟನೆ ರಾಷ್ಟ್ರೀಯ ಹೆದ್ದಾರಿ-50ರ ಮುತ್ತಗಿ ಕ್ರಾಸ್ ಬಳಿ ನಡೆದಿದೆ. ಗೊಳಸಂಗಿ ಗ್ರಾಮದ ಗ್ಯಾನುಬಾ ವಿಠೋಬಾ ಸಾಳುಂಕೆ (48) ಮೃತ ರೈತ.
ವಿಜಯೋತ್ಸವ ಮುಗಿಸಿ ಬರುತ್ತಿದ್ದ ರೈತ ಟ್ರ್ಯಾಕ್ಟರ್ ಪಲ್ಟಿಯಾಗಿ ಸಾವು - ಗೊಳಸಂಗಿ ಗ್ರಾಮದ ರೈತ ಸಾವು
ರೈತ ವಿಜಯೋತ್ಸವ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮರಳಿ ಗ್ರಾಮಕ್ಕೆ ತೆರಳುತ್ತಿದ್ದ ರೈತನೊರ್ವ ಟ್ರ್ಯಾಕ್ಟರ್ ಪಲ್ಟಿಯಾಗಿ ಸಾವನ್ನಪ್ಪಿರುವ ಘಟನೆ ವಿಜಯಪುರ ಜಿಲ್ಲೆಯ ಮುತ್ತಗಿ ಕ್ರಾಸ್ ಬಳಿ ಜರುಗಿದೆ.
ರೈತ ಟ್ರಾಕ್ಟರ್ ಪಲ್ಟಿಯಾಗಿ ಸಾವು
ಟ್ರ್ಯಾಕ್ಟ್ರ್ ಪಲ್ಟಿ ರೈತ ಸಾವು : ರೈತ ಸಾಳುಂಕೆ ಬಸವನಬಾಗೇವಾಡಿಯಲ್ಲಿ ನಡೆದ ರೈತ ವಿಜಯೋತ್ಸವದಲ್ಲಿ ಭಾಗವಹಿಸಿ ಗೊಳಸಂಗಿ ಗ್ರಾಮಕ್ಕೆ ಟ್ರ್ಯಾಕ್ಟರ್ನಲ್ಲಿ ವಾಪಸಾಗುತ್ತಿದ್ದ. ಈ ವೇಳೆ ಮುತ್ತಗಿ ಕ್ರಾಸ್ ಬಳಿಯ ತಿರುವಿನಲ್ಲಿ ನಿಯಂತ್ರಣ ತಪ್ಪಿ ಟ್ರ್ಯಾಕ್ಟರ್ ಪಲ್ಟಿಯಾಗಿದೆ. ಕೆಳಗೆ ಬಿದ್ದ ರೈತನ ಎದೆಯ ಮೇಲೆ ಟ್ರ್ಯಾಕ್ಟರ್ನ ಬಿಡಿಭಾಗ ಬಿದ್ದ ಪರಿಣಾಮ ಆತ ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾನೆ.
ರೈತ ಗ್ಯಾನಬಾ ಸಾಳುಂಕೆ ಸ್ವಂತ ಟ್ರ್ಯಾಕ್ಟರ್ ಇಟ್ಟುಕೊಂಡು ಸುತ್ತಮುತ್ತಲಿನ ಗ್ರಾಮದ ರೈತರ ಹೊಲದಲ್ಲಿ ನೇಗಿಲು, ಇನ್ನಿತರ ಕೆಲಸ ಮಾಡುತ್ತಿದ್ದನು. ಘಟನಾ ಸ್ಥಳಕ್ಕೆ ಬಸವನ ಬಾಗೇವಾಡಿ ಸಿಪಿಐ ಸೋಮಶೇಖರ್ ಜುಟ್ಟಲ, ಕೂಡಗಿ ಪಿಎಸ್ಐ ಡಿ.ಎಂ. ಸಂಗಾಪೂರ ಭೇಟಿ ಪರಿಶೀಲಿಸಿದರು. ಕೂಡಗಿ ಎನ್ಟಿಪಿಸಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.