ವಿಜಯಪುರ: ಬೈಕ್​ ಅಪಘಾತಕ್ಕೆ ಯುವಕ ಬಲಿ

ಬೈಕ್​ ಅಪಘಾತ ಸಂಭವಿಸಿ ಯುವಕನೊಬ್ಬ ಸ್ಥಳದಲ್ಲಿಯೇ ಮೃತಪಟ್ಟ ಘಟನೆ ಹಿಪ್ಪರಗಿಯ ಶಾಂಭವಿ ಡಾಬಾ ಬಳಿ ನಡೆದಿದೆ.

ವಿಜಯಪುರ:ಬೈಕ್ ಅಪಘಾತವಾಗಿ ಯುವಕನೊಬ್ಬ ಸ್ಥಳದಲ್ಲಿಯೇ ಮೃತಪಟ್ಟ ಘಟನೆ ಜಿಲ್ಲೆಯ ದೇವರ ಹಿಪ್ಪರಗಿಯ ಪಟ್ಟಣದ ಕಾಲುವೆಯ ಹತ್ತಿರದ ಶಾಂಭವಿ ಡಾಬಾ ಬಳಿ ನಡೆದಿದೆ.

ಜಗದೀಶ ರಾಮಪ್ಪ ಹೊಸಮನಿ(27) ಮೃತ ದುರ್ದೈವಿ. ಈತ ಅಂತರಗಂಗಿ ಗ್ರಾಮದವನಾಗಿದ್ದು, ಸಿಂದಗಿಯಿಂದ ವಿಜಯಪುರ ಕಡೆಗೆ ಬೈಕ್​ನಲ್ಲಿ ತೆರಳುತ್ತಿದ್ದ ಸಂದರ್ಭ ಬೈಕ್​ ಅಪಘಾತ ಸಂಭವಿಸಿದೆ. ಬೈಕ್​ನಲ್ಲಿ ಹಿಂಬದಿ ಕುಳಿತಿದ್ದ ಇನ್ನೊಬ್ಬ ಯುವಕ ಗಂಭೀರವಾಗಿ ಗಾಯಗೊಂಡಿದ್ದು, ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ.

ಘಟನೆ ಕುರಿತು ದೇವರಹಿಪ್ಪರಗಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.