ಉಡುಪಿ: ಇಷ್ಟು ದಿನ ಕೃಷ್ಣ ಮಠಕ್ಕೆ ಬಂದು ಗೋಪಾಲನ ದರ್ಶನ ಪಡೆದು ಹೋಗುತ್ತಿದ್ದ ಭಕ್ತರು ಇನ್ನು ಮುಂದೆ ಹಳೆ ಕಾಲದ ಅಪರೂಪದ ವಸ್ತುಗಳನ್ನು ಕಣ್ತುಂಬಿಕೊಳ್ಳುವ ಅವಕಾಶವನ್ನು ಪರ್ಯಾಯ ಅದಮಾರು ಈಶಪ್ರಿಯ ಸ್ವಾಮೀಜಿ ಕಲ್ಪಿಸಿದ್ದಾರೆ.
ಉಡುಪಿ ಕೃಷ್ಣ ಮಠದಲ್ಲಿ ಭಕ್ತರಿಗಾಗಿ ವಸ್ತು ಸಂಗ್ರಹಾಲಯ
ದೇಗುಲದಲ್ಲಿ ಭಕ್ತರಿಗಾಗಿ ವಸ್ತು ಸಂಗ್ರಹಾಲಯ ಮಾಡಲಾಗಿದೆ. ಇದರಲ್ಲಿ ಚೆನ್ನೆಮನೆ, ಗದ್ದೆ ಉಳುವ ನೇಗಿಲು, ಮರದ ಸೌಟು, ಕೆಂಡದ ಇಸ್ತ್ರಿ ಪೆಟ್ಟಿಗೆ, ಗದ್ದೆಗೆ ನೀರು ಹಾಯಿಸಲು ಅನುಕೂಲ ಆಗುವ ಮರದ ಸಾಮಾಗ್ರಿ, ಕಂಬಳದ ಕೋಣಗಳಿಗೆ ಬಳಸುವ ಪರಿಕರಗಳು ಸೇರಿದಂತೆ ಹಿಂದಿನ ಕಾಲದಲ್ಲಿ ಬಳಸುತ್ತಿದ್ದ ವಸ್ತುಗಳನ್ನು ಪ್ರದರ್ಶನಕ್ಕೆ ಇಡಲಾಗಿದೆ.