ಹಿಟ್ ಅಂಡ್ ರನ್ ಪ್ರಕರಣ:ದಿವ್ಯಾಂಗ ವ್ಯಕ್ತಿಗೆ ಗಂಭೀರ ಗಾಯ

ವೇಗವಾಗಿ ಬಂದ ವಾಹನವೊಂದು ವಿಶೇಷಚೇತನ ವ್ಯಕ್ತಿ ಚಲಿಸುತ್ತಿದ್ದ ಮೂರು ಗಾಲಿಯ ಬೈಕ್​ಗೆ ಡಿಕ್ಕಿ ಹೊಡೆದ ಪರಿಣಾಮ‌ ಆತ ಗಂಭೀರವಾಗಿ ಗಾಯಗೊಂಡಿರುವ ಘಟನೆ ನಡೆದಿದೆ.

ಹಿರಿಯೂರು:ವೇಗವಾಗಿ ಬಂದ ವಾಹನವೊಂದು ದಿವ್ಯಾಂಗ ವ್ಯಕ್ತಿ ಚಲಿಸುತ್ತಿದ್ದ ಮೂರು ಗಾಲಿಯ ಬೈಕ್​ಗೆ ಡಿಕ್ಕಿ ಹೊಡೆದ ಪರಿಣಾಮ‌ ಆತ ಗಂಭೀರವಾಗಿ ಗಾಯಗೊಂಡ ಘಟನೆ ತುಮಕೂರು ಜಿಲ್ಲೆಯ ಹಿರಿಯೂರು ತಾಲೂಕಿನ ಹರ್ತಿಕೋಟೆ ಗ್ರಾಮದಲ್ಲಿ ನಡೆದಿದೆ.

ವಿಶೇಷಚೇತನ ವ್ಯಕ್ತಿ ಸಿದ್ದಯ್ಯ ಅಪಘಾತದಲ್ಲಿ ಗಾಯಗೊಂಡವರು.

ಸಿದ್ದಯ್ಯ ಕಳೆದ ರಾತ್ರಿ ಗುಳಗೊಂಡನಹಳ್ಳಿಗೆ ತೆರಳಿದ್ದು, ವಾಪಾಸ್ ಬರುವಾಗ ಈ ದುರ್ಘಟನೆ ಸಂಭವಿಸಿದೆ. ಈ ವೇಳೆ ನಿಯಂತ್ರಣ ತಪ್ಪಿದ ಮೂರು ಗಾಲಿಯ ಬೈಕ್ ಹಳ್ಳಕ್ಕೆ ಬಿದ್ದ ಕಾರಣ ಸಿದ್ದಯ್ಯ ತಲೆ ಮತ್ತು ಮುಖಕ್ಕೆ ಗಂಭೀರ ಸ್ವರೂಪದ ಗಾಯಗಳಾಗಿವೆ.

ಗಾಯಾಳುವನ್ನು 108 ಆಂಬ್ಯುಲೆನ್ಸ್ ಮೂಲಕ ದಾವಣಗೆರೆಯ ಖಾಸಗಿ ಆಸ್ಪತ್ರೆಗೆ ರವಾನಿಸಲಾಗಿದ್ದು ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಈ ಘಟನೆ ಐಮಂಗಲ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ. ಆರೋಪಿಗಾಗಿ ಪೊಲೀಸರು ಬಲೆ ಬೀಸಿದ್ದಾರೆ.