ಧಾರವಾಡ: ಜಿಲ್ಲೆಯಲ್ಲಿಂದು 20 ಜನರಲ್ಲಿ ಸೋಂಕು ದೃಢಪಡಿದ್ದು, ಸೋಂಕಿತರ ಸಂಖ್ಯೆ 111ಕ್ಕೆ ಏರಿಕೆಯಾಗಿದೆ.
ಗ್ರಾಮೀಣ ಭಾಗದಲ್ಲೇ ಹೆಚ್ಚು ಜನರಿಗೆ ಸೋಂಕು ಕಾಣಿಸಿದೆ. ಸೋಂಕಿತರ ಸಂಪರ್ಕದಿಂದಲೇ 18 ಜನರಿಗೆ ಸೋಂಕು ತುಗುಲಿದೆ. ಪಿ-5969ರಿಂದ 4 ವರ್ಷದ ಬಾಲಕನಿಗೆ ಸೋಂಕು, ಪಿ-6222 ಸಂಪರ್ಕದಿಂದ ಇಬ್ಬರಿಗೆ ಸೋಂಕು, ಪಿ-5972ರ ಸಂಪರ್ಕದಿಂದ ಮೂವರಿಗೆ ಕೊರೊನಾ ತಗುಲಿದೆ.
ಪಿ-5828ರ ಸಂಪರ್ಕದಿಂದ ಐವರಿಗೆ, ಪಿ-6257ರ ಸಂಪರ್ಕದಿಂದ 2 ವರ್ಷದ ಮಗು ಸೇರಿ 7 ಜನರಿಗೆ ಸೋಂಕು ಕಾಣಿಸಿಕೊಂಡಿದೆ. ದೆಹಲಿಯಿಂದ ಆಗಮಿಸಿರುವ ಪಿ-6522 ಮತ್ತು ಮಹಾರಾಷ್ಟ್ರದಿಂದ ಬಂದಿರುವ ಪಿ-6532ಗೆ ಸೋಂಕು ದೃಢಪಟ್ಟಿದೆ.
ಇದರಿಂದ ಇಷ್ಟು ದಿನ ಒಂದೆರಡು ಕೇಸ್ ದಾಖಲಾಗುತ್ತಿದ್ದ ಜಿಲ್ಲೆಯಲ್ಲಿ ಶುಕ್ರವಾರ 19 ಮತ್ತು ಇಂದು 20 ಕೇಸ್ ಪತ್ತೆಯಾಗಿವೆ. ಸೋಂಕಿತರಿಗೆ ಹುಬ್ಬಳ್ಳಿ ಕಿಮ್ಸ್‌ನಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.