ವಾಹನ ತಡೆದು ಕೇಸ್ ಹಾಕಿದ್ದಕ್ಕೆ ಮಹಿಳಾ ಪಿಎಸ್ಐಗೆ ಆವಾಜ್: ವಿಡಿಯೋ ವೈರಲ್

ಶಿವಮೊಗ್ಗದಲ್ಲಿ ಲಾಕ್​ಡೌನ್​ ಉಲ್ಲಂಘಿಸಿದ ವಾಹನ ಸವಾರರಿಗೆ ದಂಡ ವಿಧಿಸಿದ ಮಹಿಳಾ ಪಿಎಸ್ಐಗೆ ವಾಹನ ಸವಾರ ಆವಾಜ್ ಹಾಕಿರುವ ವಿಡಿಯೋ ವೈರಲ್ ಆಗಿದೆ.

ಶಿವಮೊಗ್ಗ:ಕೊರೊನಾ ಲಾಕ್​ಡೌನ್ ಮೀರಿ ರಸ್ತೆಗಿಳಿದ ವಾಹನ ಸವಾರಿಗೆ ದಂಡ ಹಾಕಿದ ಮಹಿಳಾ ಪಿಎಸ್ಐಗೆ ವಾಹನ ಸವಾರ ಆವಾಜ್ ಹಾಕಿರುವ ವಿಡಿಯೋ ವೈರಲ್ ಆಗಿದೆ.

ಜೋಗದ ಮಹಿಳಾ ಪಿಎಸ್​​ಐ ಸರ್ಕಾರದ ಆದೇಶದ ಮೇರೆಗೆ ವಾಹನ ಸವಾರರಿಗೆ ದಂಡ ಹಾಕುವಾಗ ವಾಹನ ಸವಾರರೊಬ್ಬರು ಸಿಎಂ ಯಡಿಯೂರಪ್ಪ ಕೋವಿಡ್​ನಲ್ಲಿ‌ ಲೂಟಿ ಹೊಡೆಯುತ್ತಿದ್ದಾರೆ. ಈಗ ನಿಮ್ಮನ್ನು ಲೂಟಿ ಮಾಡಲು ಬಿಟ್ಟಿದ್ದಾನೆ ಎಂದು ಸಿಎಂ ಯಡಿಯೂರಪ್ಪಗೆ ಏಕ ವಚನದಲ್ಲಿ ಬೈದಿದ್ದಾರೆ. ನಂತರ ರಸ್ತೆಯಲ್ಲಿ ಹೈ ಡ್ರಾಮವನ್ನೇ ಮಾಡಿದ್ದಾರೆ.

ರಸ್ತೆ ಮಧ್ಯೆದಲ್ಲಿ ಕುಳಿತು ಪೊಲೀಸ್ ಹಾಗೂ ಸಿಎಂ ಬಿಎಸ್​​ವೈ ಅವರನ್ನು ಬೈಯ್ದಿದ್ದಾರೆ. ಆದರೂ ಮಹಿಳಾ ಪಿಎಸ್​​ಐ ಅವರು ತಮ್ಮ ತಾಳ್ಮೆ ಕಳೆದುಕೊಳ್ಳದೇ ಅವರನ್ನು ಸಮಾಧಾನ ಪಡಿಸಲು ಪ್ರಯತ್ನ ಮಾಡುತ್ತಿರುವ ವಿಡಿಯೋ ಈಗ ಎಲ್ಲಾ ಕಡೆ ವೈರಲ್ ಆಗಿದೆ.