ಶಿವಮೊಗ್ಗ:ಪಡಿತರ ಅಕ್ಕಿಯನ್ನು ಕಾಳಸಂತೆಗೆ ಮಾರಾಟ ಮಾಡುವುದನ್ನು ಮತ್ತು ಬೋಗಸ್ ಪಡಿತರ ಕಾರ್ಡ್‌ಗಳನ್ನು ರದ್ದುಗೊಳಿಸುವಂತೆ ಒತ್ತಾಯಿಸಿ ಸಾಗರದ ಸಾಮಾಜಿಕ ಕಾರ್ಯಕರ್ತ ಸ್ವಾಮಿನಾಥ್ ಎಂಬವರು ಪಾದಯಾತ್ರೆ ಕೈಗೊಂಡರು. ಹೊಸಂತೆ ಗ್ರಾಮದಿಂದ ಸಾಗರ ಪಟ್ಟಣದವರೆಗೆ ಸುಮಾರು 20 ಕಿಮೀ ರಾಷ್ಟ್ರಧ್ವಜ ಹಿಡಿದು ಅರೆಬೆತ್ತಲೆಯಾಗಿ ಸಾಗಿ ಬಂದಿರುವ ಇವರು ತಹಶೀಲ್ದಾರ್‌ಗೆ ಮನವಿ ಸಲ್ಲಿಸಿದ್ದಾರೆ.
ಪಡಿತರ ಅಕ್ಕಿ ಮಾರಾಟ ಮತ್ತು ಬೋಗಸ್ ಕಾರ್ಡ್ ರದ್ದು ಮಾಡುವಂತೆ 20 ಕಿಮೀ ಅರೆ ಬೆತ್ತಲೆ ಪಾದಯಾತ್ರೆ
ನಮ್ಮ ಮನೆಯಲ್ಲಿ ಪಡಿತರ ಚೀಟಿ ಅವಶ್ಯಕತೆ ಇಲ್ಲದೇ ಇದ್ದರೂ ಪಡಿತರ ಚೀಟಿ ಮಾಡಿಸಿಕೊಂಡು ಪಡಿತರ ಅಕ್ಕಿ ಪಡೆದು ಅದನ್ನು ಮಾರಾಟ ಮಾಡಿದ್ದಾರೆ. ಇಂತಹ ಪಡಿತರ ಚೀಟಿ ರದ್ದು ಮಾಡಬೇಕೆಂದು ತಹಶೀಲ್ದಾರ್ ಮಲ್ಲೇಶ್ ಪೂಜಾರ್ ಅವರಿಗೆ ಮನವಿ ಮಾಡಿ ತಮ್ಮ ಕುಟುಂಬದ ಪಡಿತರ ಚೀಟಿಯನ್ನು ವಾಪಸ್ ನೀಡಿದರು.