ಲಂಚ ಪಡೆಯುತ್ತಿದ್ದ ವೇಳೆ ರೆಡ್ ಹ್ಯಾಂಡ್ ಎಸಿಬಿ ಬಲೆಗೆ ಬಿದ್ದ ಶಿವಮೊಗ್ಗ ಪಾಲಿಕೆ ಇಂಜಿನಿಯರ್

ಮಹಾನಗರ ಪಾಲಿಕೆ ಯೋಜನಾ ವಿಭಾಗದ ಸಹಾಯಕ ಇಂಜಿನಿಯರ್ ಹಾಲೇಶಪ್ಪ, ವೆಂಕಟೇಶ್ ಶೆಟ್ಟಿ ಎಂಬುವರಿಂದ 7 ಸಾವಿರ ರೂಪಾಯಿ ಲಂಚ ಪಡೆಯುತ್ತಿದ್ದ ವೇಳೆ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದಿದ್ದಾರೆ.

ಶಿವಮೊಗ್ಗ: ಮಹಾನಗರ ಪಾಲಿಕೆ ಯೋಜನಾ ವಿಭಾಗದ ಸಹಾಯಕ ಇಂಜಿನಿಯರ್ ಹಾಲೇಶಪ್ಪ ಎಂಬುವರು ಪಾಲಿಕೆಯ ತಮ್ಮ ಕಚೇರಿಯಲ್ಲಿ ಲಂಚ ಪಡೆಯುತ್ತಿದ್ದ ವೇಳೆ ಭ್ರಷ್ಟಾಚಾರ ನಿಗ್ರಹ ದಳದ ಬಲೆಗೆ ಬಿದ್ದಿದ್ದಾರೆ.

ಹಾಲೇಶಪ್ಪ ವೆಂಕಟೇಶ್ ಶೆಟ್ಟಿ ಎಂಬುವರಿಂದ 7 ಸಾವಿರ ರೂಪಾಯಿ ಲಂಚ ಪಡೆಯುತ್ತಿದ್ದ ವೇಳೆ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದಿದ್ದಾರೆ. ವೆಂಕಟೇಶ್ ಶೆಟ್ಟಿ ಎಂಬುವರು ತಮ್ಮ ಬಾರ್​ ಅನ್ನು ಒಂದು ಕಡೆಯಿಂದ ಮತ್ತೊಂದು ಕಡೆ ಸ್ಥಳಾಂತರಿಸಿ ಖಾಸಗಿ ಜಾಗದಲ್ಲಿ ನಿರ್ಮಾಣ ಮಾಡಲು ಮುಂದಾಗಿದ್ದಾರೆ. ವೆಂಕಟೇಶ್ ಶೆಟ್ಟಿ ಅವರಿಗೆ ಬಾರ್ ನಿರ್ಮಾಣಕ್ಕೆ ಪಾಲಿಕೆಯ ಅಧಿಕಾರಿಗಳು ಪದೆ ಪದೇ ತೊಂದ್ರೆ ನೀಡುತ್ತಿದ್ದರು ಎನ್ನಲಾಗ್ತಿದೆ. ಈ ಕುರಿತು ವೆಂಕಟೇಶ್ ಶೆಟ್ಟಿ ಉಪ ಮೇಯರ್ ಬಳಿ ವಿನಂತಿಸಿಕೊಂಡಿದ್ದರು. ಉಪ ಮೇಯರ್ ಪಾಲಿಕೆಯ ಅಧಿಕಾರಿಗಳಿಗೆ ಕೇಳಿದ್ರೆ ದಾಖಲಾತಿ ಸರಿ‌ ಇದೆ ಅನುಮತಿ ನೀಡಬಹುದು ಎಂದು ತಿಳಿಸಿದ್ದರಂತೆ. ಆದರೆ ಪ್ರತಿ ಸಲ ಒಂದೊಂದು ಇಂಜಿನಿಯರಿಂಗ್ ವಿಭಾಗದವರು ಬಂದು ಕಾಮಗಾರಿ ಸ್ಥಗಿತಗೊಳಿಸುತ್ತಿದ್ದರಂತೆ.

ಈ ಕುರಿತು ಪಾಲಿಕೆ ಯೋಜನಾ ವಿಭಾಗದವರು ನಿಮಗೆ ಜನವಸತಿ ಪ್ರದೇಶದಿಂದ ವಾಣಿಜ್ಯ ಉದ್ದೇಶಕ್ಕೆ ಅನುಮತಿ ನೀಡುವುದಕ್ಕೆ ವೆಂಕಟೇಶ್ ಶೆಟ್ಟಿ ಬಳಿ 7 ಸಾವಿರ ರೂ. ಲಂಚ ಪಡೆಯುವಾಗ ಇಂದು ಪ್ರಭಾರ ಎಸಿಬಿ ಡಿವೈಎಸ್​ಪಿ ತಿಪ್ಪೇಸ್ವಾಮಿ ನೇತೃತ್ಚದಲ್ಲಿ ದಾಳಿ ನಡೆಸಲಾಗಿದೆ. ಇನ್ಸ್​​ಪೆಕ್ಟರ್ ವಿರೇಂದ್ರ ಸಿಬ್ಬಂದಿ ಯೋಗೀಶ್, ವಸಂತ್, ನಾಗರಾಜ್, ಸುರೇಂದ್ರ, ರಘು ಹಾಗೂ ಹರೀಶ್ ದಾಳಿಯಲ್ಲಿ ಭಾಗಿಯಾಗಿದ್ದರು.