ಕೊರೊನಾ ಗೆದ್ದ ಮೈಸೂರಿಗೆ ನನ್ನ ಕೋಟಿ ನಮನಗಳು: ಎಸ್.ಟಿ ಸೋಮಶೇಖರ್

ತಬ್ಲಿಘಿ ಹಾಗೂ ನಂಜನಗೂಡಿನ ಜುಬಿಲಂಟ್​​​ ಕಾರ್ಖಾನೆಯಿಂದ 90 ಕೊರೊನಾ ಪಾಸಿಟಿವ್ ಪ್ರಕರಣಗಳಿಂದ ರೆಡ್​ಝೋನ್​ನಲ್ಲಿ ಇದ್ದ ಮೈಸೂರಿನಲ್ಲಿ ಈಗ ಸೋಂಕಿತರೆಲ್ಲ ಗುಣಮುಖರಾಗಿ ಮನೆಗೆ ಮರಳಿದ್ದಾರೆ.

ಮೈಸೂರು: ಕೊರೊನಾವನ್ನ ಗೆದ್ದ ಮೈಸೂರಿಗೆ ನನ್ನ ಕೋಟಿ ನಮನಗಳು ಎಂದು ಉಸ್ತುವಾರಿ ಸಚಿವ ಎಸ್.ಟಿ ಸೋಮಶೇಖರ್ ಅಭಿನಂದನೆ ಸಲ್ಲಿಸಿದ್ದಾರೆ.

ತಬ್ಲಿಘಿ ಹಾಗೂ ನಂಜನಗೂಡಿನ ಜುಬಿಲಂಟ್ ಕಾರ್ಖಾನೆಯಿಂದ 90 ಕೊರೊನಾ ಪಾಸಿಟಿವ್ ಪ್ರಕರಣಗಳಿಂದ ರೆಡ್​ ಝೋನ್​ನಲ್ಲಿ ಇದ್ದ ಮೈಸೂರಿನಲ್ಲಿ ಈಗ ಸೋಂಕಿತರೆಲ್ಲ ಗುಣಮುಖರಾಗಿ ಮನೆಗೆ ಮರಳಿದ್ದು, ಇದರ ಹಿಂದೆ ಇದ್ದ ಜಿಲ್ಲಾಧಿಕಾರಿ ಅಭಿರಾಮ್ ಜಿ.ಶಂಕರ್ ತಂಡಕ್ಕೆ, ವೈದ್ಯರಿಗೆ, ನರ್ಸ್​ಗಳಿಗೆ, ಆಶಾ ಕಾರ್ಯಕರ್ತೆಯರಿಗೆ ಹಾಗೂ ಪತ್ರಕರ್ತರಿಗೆ ನನ್ನ ಅಭಿನಂದನೆಗಳು ಮುಖ್ಯವಾಗಿ ಕೊರೊನಾ ಸೋಂಕು ನಿಯಂತ್ರಣಕ್ಕೆ ಬರಲು ಕಾರಣರಾದ ಮೈಸೂರು ಜಿಲ್ಲೆಯ ಜನರಿಗೆ ನನ್ನ ಅಭಿನಂದನೆಗಳು ಎಂದು ಉಸ್ತುವಾರಿ ಸಚಿವ ಎಸ್.ಟಿ. ಸೋಮಶೇಖರ್ ಅಭಿನಂದನೆ ಸಲ್ಲಿಸಿದ್ದಾರೆ.