ಇಡೀ ಅಂಗಡಿಯನ್ನೇ ಸುಟ್ಟ ಗಂಧದಕಡ್ಡಿ ಕಿಡಿ: ದೇವರಾಜ ಮಾರುಕಟ್ಟೆಯಲ್ಲಿ ಅವಘಡ

ಪೂಜಾ ಸಾಮಗ್ರಿ ಮಾರುವ ಅಂಗಡಿಯಲ್ಲಿ ಹತ್ತಿದ್ದ ಗಂಧದ ಕಡ್ಡಿ ಕಿಡಿ ಆಕಸ್ಮಿಕವಾಗಿ ಬಿದ್ದು, ಇಡೀ ಅಂಗಡಿಯೇ ಹೊತ್ತಿ ಉರಿದ ಘಟನೆ ನಗರದ ದೇವರಾಜ ಮಾರುಕಟ್ಟೆಯಲ್ಲಿ ನಡೆದಿದೆ.

ಮೈಸೂರು:ಗಂಧದ ಕಡ್ಡಿ ಕಿಡಿಯಿಂದ ಅಂಗಡಿಯೇ ಸುಟ್ಟು ಹೋದ ಘಟನೆ ನಗರದ ದೇವರಾಜ ಮಾರುಕಟ್ಟೆಯಲ್ಲಿ ನಡೆದಿದೆ.

ನಗರದ ದೇವರಾಜ ಮಾರುಕಟ್ಟೆಯಲ್ಲಿ ಪೂಜಾ ಸಾಮಗ್ರಿ ಮಾರುವ ಅಂಗಡಿಯಲ್ಲಿ ಹತ್ತಿದ್ದ ಗಂಧದ ಕಡ್ಡಿ ಕಿಡಿ ಆಕಸ್ಮಿಕವಾಗಿ ಬಿದ್ದು, ಇಡೀ ಅಂಗಡಿಯೇ ಹೊತ್ತಿ ಉರಿದಿದೆ. ಈ ಬೆಂಕಿ ಅಕ್ಕಪಕ್ಕದ ಎರಡು ಮಳಿಗೆಗಳನ್ನು ಆವರಿಸಿದ್ದು, ಆ ಅಂಗಡಿಗಳು ಸಹ ಭಾಗಶಃ ಹಾನಿಗೊಳಗಾಗಿವೆ.

ಆಗ್ನಿಶಾಮಕ ಸಿಬ್ಬಂದಿ ಬಂದರೂ, ಬೆಂಕಿ ಹೊತ್ತಿಕೊಂಡ ಸ್ಥಳಕ್ಕೆ ಹೋಗಲು ಇಕ್ಕಟ್ಟಾದ ಜಾಗವಿದ್ದ ಕಾರಣ ತಕ್ಷಣ ಹೋಗಲಾಗಲಿಲ್ಲ. ಅಷ್ಟೊತ್ತಿಗೆ 1 ಅಂಗಡಿ ಸಂಪೂರ್ಣ ಸುಟ್ಟುಹೋಗಿದೆ. ಆದರೂ ಆಗ್ನಿಶಾಮಕ ವಾಹನ ಹೆಚ್ಚಿನ ಅನಾಹುತ ಆಗದ ರೀತಿ ಅಪಾಯ ತಪ್ಪಿಸಿದೆ. 100 ವರ್ಷ ಹಳೆಯದಾದ ಈ ಪಾರಂಪರಿಕ ಕಟ್ಟಡ ಶಿಥಿಲಾವಸ್ಥೆಯಲ್ಲಿ ಇರುವುದು ಘಟನೆಗೆ ಕಾರಣ ಎನ್ನುತ್ತಾರೆ ಸ್ಥಳೀಯ ವರ್ತಕರು.