ಮೈಸೂರು :ಬಿಜೆಪಿ ಮುಖಂಡನಿಗೆ ಸಂಬಂಧಿಸಿದ ಕಲ್ಯಾಣ ಮಂಟಪದಲ್ಲಿ ಜ್ಯುಬಿಲಿಯಂಟ್ ಕಾರ್ಖಾನೆಯವರು ಬಡಜನರಿಗೆ ವಿತರಿಸಲು ನೀಡಿದ್ದ ಆಹಾರ ಕಿಟ್ಗಳ ಕಂಡು ಬಂದಿತ್ತು. ಈ ಬಗ್ಗೆ ಸೂಕ್ತ ತನಿಖೆಯಾಗಬೇಕೆಂದು ನಂಜನಗೂಡಿನ ಮಾಜಿ ಶಾಸಕ ಕಳಲೆ ಕೇಶವಮೂರ್ತಿ ಆಗ್ರಹಿಸಿದ್ದಾರೆ.
ಜ್ಯುಬಿಲಿಯಂಟ್ ಆಹಾರ ಕಿಟ್ ವಿತರಣೆಯಲ್ಲಿ ಬಿಜೆಪಿ ಅವ್ಯವಹಾರ ತನಿಖೆಯಾಗಬೇಕು
ಜ್ಯುಬಿಲಿಯಂಟ್ ಕಾರ್ಖಾನೆಯಲ್ಲಿ ಕೊರೊನಾ ಸೋಂಕು ಹರಡಿದ್ದ ಹಿನ್ನೆಲೆ ನಂಜನಗೂಡು ತಾಲೂಕನ್ನು ರೆಡ್ ಝೋನ್ ಎಂದು ಘೋಷಿಸಲಾಗಿತ್ತು. ಆಗ ಜ್ಯುಬಿಲಿಯಂಟ್ ಕಾರ್ಖಾನೆ ಬಡವರಿಗೆ ಹಂಚಲೆಂದು ₹50,000 ಆಹಾರದ ಕಿಟ್ಗಳನ್ನು ಬಿಜೆಪಿ ಶಾಸಕ ಹರ್ಷವರ್ಧನ್ ಅವರಿಗೆ ವಹಿಸಿತ್ತು. ಆ ಆಹಾರದ ಕಿಟ್‌ಗಳು ಬಿಜೆಪಿ ಮುಖಂಡನ ಕಲ್ಯಾಣ ಮಂಟಪದಲ್ಲಿ ಪತ್ತೆಯಾಗಿದ್ದರ ಬಗ್ಗೆ ಅನುಮಾನವಿದ್ದು, ಈ ಬಗ್ಗೆ ಸೂಕ್ತ ತನಿಖೆಯಾಗಬೇಕು ಎಂದು ಮಾಜಿ ಶಾಸಕ ಕಳಲೆ ಕೇಶವಮೂರ್ತಿ ಆಗ್ರಹಿಸಿದ್ದಾರೆ.