ಕುಷ್ಟಗಿ: ತರಕಾರಿ ಮಾರಲು ಬರುವ ರೈತರ ಸಂಕಷ್ಟ ಒಂದೆರಡಲ್ಲ

ತರಕಾರಿ ಮಾರಲು ಮಾರುಕಟ್ಟೆಗೆ ಬರುವ ರೈತರು, ವ್ಯಾಪಾರವಿಲ್ಲದೆ ತಂದ ತರಕಾರಿಗಳನ್ನು ಸ್ಥಳದಲ್ಲೇ ಸುರಿದು ಮನೆಗೆ ಹೋಗುತ್ತಿದ್ದಾರೆ.

ಕುಷ್ಟಗಿ(ಕೊಪ್ಪಳ) :ಇಲ್ಲಿನ ಸಂತೆ ಮಾರುಕಟ್ಟೆಗೆ ಬಂದು ಹೋಗುವ ರೈತರಿಗೆ ಪ್ರತಿ ದಿನವೂ ಸಂಕಷ್ಟದ ದಿನಗಳಾಗುತ್ತಿವೆ. ಒಂದೆಡೆ ಕೊರೊನಾ ಭೀತಿ ಇನ್ನೊಂದೆಡೆ ಜೀವನ ನಡೆಸೋದು ಹೇಗೆ ಎಂಬ ಚಿಂತೆ .

ದಿನವೂ ಬೆಳಗಿನ ಜಾವ 3 ಗಂಟೆ ವೇಳೆಗೆ ಕಾಯಿಪಲ್ಲೆ, ಸೊಪ್ಪು ಗಂಟಿನೊಂದಿಗೆ ಬರುವ ರೈತರು, ಮಧ್ಯವರ್ತಿಗಳು ಕೇಳಿದ ಬೆಲೆಗೆ ಮಾರುವ ಪರಿಸ್ಥಿತಿ ನಿರ್ಮಾಣ ಆಗಿದೆ.

ಇನ್ನು ಬದನೆ, ಟೊಮೆಟೊ ಬೆಳೆದವರ ಪಾಡಂತೂ ಹೇಳತೀರದು. ಕೆಲವು ತರಕಾರಿಗಳನ್ನು ಯಾರೂ ಕೊಂಡುಕೊಳ್ಳದ ಹಿನ್ನೆಲೆ ರೈತರು ಅಲ್ಲೇ ಸುರಿದು ವಾಪಸ್​ ಮನೆಗೆ ಹೋಗುತ್ತಿದ್ದಾರೆ. ಈ ಹಿನ್ನೆಲೆ ಇಲ್ಲಿನ ಸ್ಥಳೀಯ ಆಡಳಿತ ಇತ್ತ ಗಮನಹರಿಸಿ ರೈತರ ಸಮಸ್ಯೆ ಬಗೆಹರಿಸಬೇಕಿದೆ.