ಕೊಡಗು:ಬಿಜೆಪಿ ಎಂಎಲ್ಸಿ ವಿಶ್ವನಾಥ್ ಪಕ್ಷ ಬಿಡುವ ಬಗ್ಗೆ ಸೂಚನೆ ನೀಡಿದ್ದಾರೆ. ಬಿಜೆಪಿ ಪಕ್ಷ ಬಿಟ್ಟು ಕಾಂಗ್ರೆಸ್ ಸೇರುವ ಬಗ್ಗೆ ತೆರೆಮರೆಯಲ್ಲಿ ಕಸರತ್ತು ರೂಪಿಸುತ್ತಿದ್ದಾರೆ ಎಂದು ಮಡಿಕೇರಿಯಲ್ಲಿ ಮಾತನಾಡುವಾಗ ಮುನ್ಸೂಚನೆ ಕೊಟ್ಟಂತೆ ಕಾಣುತ್ತಿದೆ. ಝಂಡಾ.. ಅಜೆಂಡಾದ ಮಾತಲ್ಲಿ ಅಡಗಿದೆಯಾ ಕೈ ಸೇರ್ಪಡೆಯ ಸುಳಿವು ಎಂಬುದು ಅವರ ಮಾತಿನಲ್ಲಿ ತಿಳಿಯುತ್ತಿದೆ.
ಬಿಜೆಪಿ ಎಂಎಲ್ಸಿ ವಿಶ್ವನಾಥ್ ಅವರು ಮಾತನಾಡಿರುವುದು
ನನ್ನ ಅಜೆಂಡಾ ಬದಲಾಗುವುದಿಲ್ಲ:ತಾಲೂಕಿನಲ್ಲಿ ಮಾಧ್ಯಮದವರೊಂದಿಗೆ ಪ್ರತಿಕ್ರಿಯಿಸಿದ ಅವರು, 'ನಾನು ಡಿಕೆ ಶಿವಕುಮಾರ್ ಬಹಳ ಹಳೆಯ ಸ್ನೇಹಿತರು. ನಾನು ಬಹಳ ವರ್ಷದ ಹಿಂದಿನಿಂದಲೂ ಕಾರ್ಯಕರ್ತರಾಗಿ ಕೆಲಸ ಮಾಡಿದ್ದೇವೆ. ಹೀಗಾಗಿ, ಹುಣಸೂರಿನಲ್ಲಿ ಕೆಂಪೇಗೌಡ ಆಚರಣೆಗೆ ಹೋಗುವ ಸಂದರ್ಭದಲ್ಲಿ ನಮ್ಮ ಶಾಸಕರು ಹುಣಸೂರಿನವರು. ಅವರ ಮನೆಗೆ ಊಟಕ್ಕೆ ಕರೆದಿದ್ದರು. ನಾವೆಲ್ಲರೂ ಹೋಗಿದ್ದೆವು. ಅದರಲ್ಲಿ ವಿಶೇಷ ಏನಿಲ್ಲ. ನೋಡಿ ಸರ್ ನಾನು ಕಾಂಗ್ರೆಸ್, ಬಿಜೆಪಿ, ಜೆಡಿಎಸ್ ಎಲ್ಲಿಗೆ ಹೋದರೂ ನನ್ನ ಝಂಡಾ ಬದಲಾಗುತ್ತೆ ಹೊರತು, ನನ್ನ ಅಜೆಂಡಾ ಬದಲಾಗುವುದಿಲ್ಲ' ಎಂದರು.