ಬೈಕ್​ ಕದಿಯುತ್ತಿದ್ದ ಖದೀಮನ ಬಂಧನ

ವೃತ್ತಿಯಲ್ಲಿ ಮೆಕ್ಯಾನಿಕ್​ ಆಗಿದ್ದು ಕಳ್ಳತನದಲ್ಲಿ ಭಾಗಿಯಾಗಿದ್ದ ಶೇಖ್ ಸಿದ್ದಿಕಿ ಎಂಬಾತನನ್ನು ಬಂಧಿಸುವಲ್ಲಿ ನಗರದ ಚೌಕ ಠಾಣೆ ಪೊಲೀಸರು ಯಶಸ್ವಿಯಾಗಿದ್ದಾರೆ. ಕಳೆದ ತಿಂಗಳು ಈತನ ಗೆಳೆಯ ಶೇಖ್ ಇಸ್ಮಾಯಿಲ್​ನನ್ನು ಬಂಧಿಸಲಾಗಿತ್ತು.

ಕಲಬುರಗಿ:ಕಳ್ಳತನದಲ್ಲಿ ಭಾಗಿಯಾಗಿದ್ದ ಮೆಕ್ಯಾನಿಕ್​ ಶೇಖ್ ಸಿದ್ದಿಕಿ ಎಂಬಾತನನ್ನು ಬಂಧಿಸುವಲ್ಲಿ ನಗರದ ಚೌಕ್ ಠಾಣೆ ಪೊಲೀಸರು ಯಶಸ್ವಿಯಾಗಿದ್ದಾರೆ.

ಉಮರ್ ಕಾಲೋನಿಯ ಮೆಕ್ಯಾನಿಕ್​​ ಶೇಖ್ ಸಿದ್ದಿಕಿ ಬಂಧಿತ ಆರೋಪಿಯಾಗಿದ್ದು, ಬಂಧಿತನಿಂದ 1.80 ಲಕ್ಷ ರೂಪಾಯಿ ಮೌಲ್ಯದ 4 ಸ್ಲೆಂಡರ್ ಬೈಕ್, ಒಂದು ಟಿವಿಎಸ್ ಹಾಗೂ ಒಂದು ಸುಪರ್ ಎಕ್ಸೆಲ್ ಬೈಕ್ ಜಪ್ತಿ‌ ಮಾಡಿಕೊಂಡಿದ್ದಾರೆ.

ಈತ ತನ್ನ ಸ್ನೇಹಿತನೊಂದಿಗೆ ಸೇರಿ ಕಳ್ಳತನ ಮಾಡುತ್ತಿದ್ದ ಎನ್ನಲಾಗಿದ್ದು, ಈತನ ಸ್ನೇಹಿತ ಶೇಖ್ ಇಸ್ಮಾಯಿಲ್​​ನನ್ನು ಪೊಲೀಸರು ‌ಕಳೆದ ತಿಂಗಳು ಬಂಧಿಸಿ ಜೈಲಿಗಟ್ಟಿದ್ದರು. ಆದರೆ ಶೇಖ್ ಸಿದ್ದಿಕಿ ಪೊಲೀಸರಿಂದ ತೆಲೆಮರೆಸಿಕೊಂಡಿದ್ದ. ಸದ್ಯ ಚೌಕ್ ಠಾಣೆ ಪೊಲೀಸರು ವಿಶೇಷ ಕಾರ್ಯಾಚರಣೆ ನಡೆಸಿ ಬಂಧಿಸಿದ್ದಾರೆ.