ರಕ್ತದಾನದ ಮೂಲಕ ಬೇರೆಯವರ ಜೀವ ಉಳಿಸಲು ಮುಂದಾಗಿ: ಅರುಣಕುಮಾರ್​ ಪೂಜಾರ

ರಾಣೆಬೆನ್ನೂರ ತಾಲೂಕಿನ ಮಾಕ ಗ್ರಾಮದಲ್ಲಿ ಜನನಿ ಗ್ರಾಮೀಣ ನಗರಾಭಿವೃದ್ಧಿ ಸಂಸ್ಥೆ ಮತ್ತು ಜೆಸಿಐ ಘಟಕ ವತಿಯಿಂದ ‌ರಕ್ತದಾನ ಶಿಬಿರ ಕಾರ್ಯಕ್ರಮ ನಡೆಯಿತು.

ರಾಣೆಬೆನ್ನೂರ (ಹಾವೇರಿ) :ಸಮಾಜದಲ್ಲಿ ಪ್ರತಿಯೊಬ್ಬರೂ ತುರ್ತು ಸಮಯದಲ್ಲಿ ರಕ್ತದಾನ ಮಾಡಬೇಕು ಎಂದು ಶಾಸಕ ಅರುಣಕುಮಾರ ಪೂಜಾರ ಕರೆ ಕೊಟ್ಟರು.

ರಾಣೆಬೆನ್ನೂರ ತಾಲೂಕಿನ ಮಾಕ ಗ್ರಾಮದಲ್ಲಿ ಜನನಿ ಗ್ರಾಮೀಣ ನಗರಾಭಿವೃದ್ಧಿ ಸಂಸ್ಥೆ ಮತ್ತು ಜೆಸಿಐ ಘಟಕ ವತಿಯಿಂದ ಆಯೋಜಿಸಿದ ‌ರಕ್ತದಾನ ಶಿಬಿರ ಕಾರ್ಯಕ್ರಮದಲ್ಲಿ ರಕ್ತದಾನ ಮಾಡಿ ಮಾತನಾಡಿದರು.

"ತುರ್ತು ಸಮಯದಲ್ಲಿ ಜೀವ ಉಳಿಸಬೇಕಾದಂತಹ ಪರಿಸ್ಥಿತಿ ಎದುರಾದಾಗ ನಾವುಗಳು ರಕ್ತದಾನ ಮಾಡಬೇಕು. ಇದರಿಂದ ಒಂದು ಜೀವವನ್ನು ಬದುಕಿಸುವ ಮೂಲಕ ಮಾನವೀಯತೆ ಎತ್ತಿ ಹಿಡಿದಂತಾಗುತ್ತದೆ" ಎಂದರು.

ಸಂಘ ಸಂಸ್ಥೆಗಳು ಇಂತಹ ವಿನೂತನ ಕಾರ್ಯಕ್ರಮಗಳನ್ನು ಮಾಡುವ ಮೂಲಕ ಸಾರ್ವಜನಿಕರಿಗೆ ರಕ್ತದಾನ ಬಗ್ಗೆ ಅರಿವು ಮೂಡಿಸುತ್ತಿರುವುದು ಸಂತೋಷದ ವಿಷಯ ಎಂದರು.