ಹಾಸನ:47 ವರ್ಷಗಳ ಇತಿಹಾಸವುಳ್ಳ ನಗರದ ಮೋತಿ ಹೋಟೆಲ್ ಇನ್ನು ನೆನಪು ಮಾತ್ರ. ಯಾಕೆ ಅಂತೀರಾ, ವೈಯಕ್ತಿಕ ಕಾರಣ ಸೇರಿದಂತೆ ಕೋವಿಡ್ ಎಫೆಕ್ಟ್ನಿಂದ ಮೋತಿ ಹೋಟೆಲ್ಅನ್ನು ಮಾಲೀಕರು ಸಂಪೂರ್ಣವಾಗಿ ಬಂದ್ ಮಾಡುವ ನಿರ್ಧಾರ ಕೈಗೊಂಡಿದ್ದಾರೆ. ಹೆಚ್ಚಿನ ಗ್ರಾಹಕರಿಗೆ ಬೇಸರವನ್ನುಂಟುಮಾಡಿದೆ.
ಕೋವಿಡ್-19 ಹಿನ್ನೆಲೆ ಸತತವಾಗಿ 8 ತಿಂಗಳುಗಳ ಕಾಲ ಹೋಟೆಲ್ ಬಾಗಿಲು ಹಾಕಿದ್ದರಿಂದ 47 ವರ್ಷಗಳ ಇತಿಹಾಸವುಳ್ಳ ಹೋಟೆಲ್ ಅಂತಿಮವಾಗಿ ಬಾಗಿಲು ಮುಚ್ಚಿದೆ.
ಉಡುಪಿ ಜಿಲ್ಲೆಯ ಕೋಟೇಶ್ವರ ಮೂಲದ ನಾರಾಯಣ ಎಂಬುವರು 1973ರಲ್ಲಿ ಹಾಸನದ ಹಳೆ ಬಸ್ ನಿಲ್ದಾಣದ ಎದುರು ಮೋತಿ ಎಂಬ ಹೆಸರಿನಡಿ ಹೋಟೆಲ್ ತೆರೆದಿದ್ದರು. ಸುಮಾರು 47 ವರ್ಷಗಳ ಕಾಲ ಉಪಹಾರ ಮಂದಿರದಲ್ಲಿ ಲಕ್ಷಾಂತರ ಮಂದಿಗೆ ರವಾ ದೋಸಾದಿಂದ ಹಿಡಿದು ಬಿಸಿ ಬೇಳೆಬಾತ್, ಮದ್ದೂರು ವಡೆ, ದಕ್ಷಿಣ ಭಾರತದ ಊಟ ಮತ್ತು ಕಾಫಿ ಸಮೇತ ಉತ್ತಮ ಗುಣಮಟ್ಟದ ಆಹಾರವನ್ನು ನೀಡುವ ಮೂಲಕ ಗ್ರಾಹಕರ ಮೆಚ್ಚುಗೆ ಗಳಿಸಿತ್ತು. ನಾರಾಯಣ ಅವರು ನಡೆಸಿಕೊಂಡು ಬರುತ್ತಿದ್ದ ಈ ಹೋಟೆಲ್ ಅನ್ನು ನಂತರ ಅವರ ಪುತ್ರ ಗೋಪಿಕೃಷ್ಣ ಮುಂದುವರಿಸಿಕೊಂಡು ಬಂದರು. ಆದ್ರೀಗ ಅನ್ನು ಸಂಪೂರ್ಣವಾಗಿ ಮುಚ್ಚಲಾಗಿದೆ.