ನನ್ನ ಮಗ ಅಮೆರಿಕದಲ್ಲಿ ಮನೆಯಿಂದ ಹೊರ ಬಂದಿಲ್ಲ: ರೇಣುಕಾಚಾರ್ಯ

ಕೊರೊನಾ ಸೋಂಕು ನಿಯಂತ್ರಿಸಲು ಪ್ರಧಾನಿ ಮೋದಿ ಹಾಗೂ ಸಿಎಂ ಯಡಿಯೂರಪ್ಪ ಅವರು ಹೇಳಿದ ರೀತಿಯಲ್ಲಿ ನಾವೆಲ್ಲರೂ ಮನೆಯಲ್ಲಿರೋಣ ಎಂದು ಸಿಎಂ ರಾಜಕೀಯ ಕಾರ್ಯದರ್ಶಿ ಎಂ. ಪಿ. ರೇಣುಕಾಚಾರ್ಯ ಸಾರ್ವಜನಿಕರಲ್ಲಿ ಮನವಿ ಮಾಡಿದರು.

ದಾವಣಗೆರೆ : ಅಮೆರಿಕದಲ್ಲಿರುವ ನನ್ನ ಪುತ್ರ ಸೇಫ್ ಆಗಿದ್ದಾನೆ. ಫೋನ್​ನಲ್ಲಿ‌ ಮಾತನಾಡಿದ್ದೇನೆ.‌ ಸಹಜವಾಗಿಯೇ ನನಗೂ ಹಾಗೂ ಕುಟುಂಬದವರಿಗೆ ಈ ಬಗ್ಗೆ ಬೇಸರವಿದೆ ಎಂದು ಸಿಎಂ ರಾಜಕೀಯ ಕಾರ್ಯದರ್ಶಿ ಎಂ. ಪಿ. ರೇಣುಕಾಚಾರ್ಯ ಹೇಳಿದ್ದಾರೆ.

ನಗರದಲ್ಲಿ‌ ಮಾಧ್ಯಮದವರ ಜೊತೆ ಮಾತನಾಡಿದ ಅವರು, ಪುತ್ರ ಅಮೆರಿಕದಲ್ಲಿ ಮನೆಯಿಂದ ಹೊರ ಬಂದಿಲ್ಲ. ಸದ್ಯಕ್ಕೆ ಯಾವುದೇ ತೊಂದರೆ ಇಲ್ಲ ಎಂದು ಹೇಳಿದ್ದಾನೆ ಎಂದರು.

ಕೊರೊನಾ ಸೋಂಕು ಅಲ್ಲಿ ದಿನೇ ದಿನೇ ಹೆಚ್ಚಾಗುತ್ತಿದೆ. ಇದಕ್ಕೆ ನಿಯಂತ್ರಣ ಹಾಕಬೇಕಾದ ಕೆಲಸವಾಗಬೇಕಿದೆ. ಪ್ರಧಾನಿ ಮೋದಿ ಹಾಗೂ ಸಿಎಂ ಯಡಿಯೂರಪ್ಪ ಅವರು ಹೇಳಿದ ರೀತಿಯಲ್ಲಿ ನಾವೆಲ್ಲರೂ ಮನೆಯಲ್ಲಿರೋಣ, ಕೊರೊನಾ ಓಡಿಸೋಣ ಎಂದು ಹೇಳಿದರು.