ಸುರತ್ಕಲ್ ಟೋಲ್ ಗೇಟ್ ಕೊನೆಗೂ ಬಂದ್.. ಹೋರಾಟಗಾರರಿಂದ ಸಂಭ್ರಮಾಚರಣೆ, ಮೊಳಗಿತು ಕ್ರಾಂತಿಗೀತೆ

ಸುರತ್ಕಲ್ ಟೋಲ್ ಗೇಟ್​ನಲ್ಲಿ ಬುಧವಾರ ರಾತ್ರಿ 12 ಗಂಟೆಯವರೆಗೆ ಟೋಲ್ ಸಂಗ್ರಹ ನಡೆದಿದ್ದು, ಆ ಬಳಿಕ ಬಂದ್ ಮಾಡಲಾಗಿದೆ.

ಮಂಗಳೂರು: ಕಳೆದ ಏಳು ವರ್ಷಗಳಿಂದ ಕಾರ್ಯಾಚರಿಸುತ್ತಿದ್ದ ಸುರತ್ಕಲ್ ಎನ್​ಐಟಿಕೆ ಟೋಲ್​ ಗೇಟ್ ಕೊನೆಗೂ ಬಂದ್ ಆಗಿದ್ದು, ಹೋರಾಟಗಾರರಿಂದ ಸಂಭ್ರಮಾಚರಣೆ ನಡೆದಿದೆ.

ಸುರತ್ಕಲ್​ನ ಟೋಲ್ ಗೇಟ್ ವಿರುದ್ಧ ಕಳೆದ ಆರು ವರ್ಷಗಳಿಂದ ಹೋರಾಟ ನಡೆಯುತ್ತಿತ್ತು. ನವೆಂಬರ್​ನಲ್ಲಿ ಟೋಲ್​ಗೇಟ್ ವಿರುದ್ಧ ಮುತ್ತಿಗೆ ಹಾಕಿ ಕೆಲಹೊತ್ತು ಟೋಲ್ ಸಂಗ್ರಹ ನಿಲ್ಲಿಸಲು ಹೋರಾಟಗಾರರು ಯಶಸ್ವಿಯಾಗಿದ್ದರು. ಆ ಬಳಿಕ ಹಗಲು ರಾತ್ರಿ ಅನಿರ್ಧಿಷ್ಠಾವಧಿ ಧರಣಿ ಆರಂಭಿಸಿದ್ದರು. ಇಂದಿನವರೆಗೂ ಧರಣಿ ಮುಂದುವರಿದಿದೆ.

ಬುಧವಾರ ರಾತ್ರಿ 12 ಗಂಟೆಯವರೆಗೆ ಟೋಲ್ ಸಂಗ್ರಹ ನಡೆದಿದ್ದು, ಆ ಬಳಿಕ ಬಂದ್ ಮಾಡಲಾಗಿದೆ. ಈ ಹಿನ್ನೆಲೆ ಟೋಲ್​ಗೇಟ್ ಬಳಿ ಧರಣಿ ನಡೆಸುತ್ತಿರುವ ಹೋರಾಟಗಾರರು ಸಂಭ್ರಮಾಚರಣೆ ನಡೆಸಿದ್ದಾರೆ. ಕೇಕ್ ಕತ್ತರಿಸಿ, ಸಿಹಿ ತಿಂಡಿ ಹಂಚಿ, ಪಟಾಕಿ ಸಿಡಿಸಿ, ಕ್ರಾಂತಿಗೀತೆಗಳನ್ನು ಹಾಡಿ ಕುಣಿದು ಕುಪ್ಪಳಿಸಿದ್ದಾರೆ. ಧರಣಿ ಸಮಾರೋಪ ಸಂಜೆ ಸಂಭ್ರಮಾಚರಣೆಯೊಂದಿಗೆ ಜರುಗಲಿದೆ.

ಇದನ್ನೂ ಓದಿ:ಡಿ.1ರಿಂದ ಸುರತ್ಕಲ್ ಟೋಲ್ ಗೇಟ್​ನಲ್ಲಿ‌ ಸುಂಕ ವಸೂಲಾತಿ ರದ್ದು: ಡಿಸಿ ಆದೇಶ