ಮಂಗಳೂರು: ಐವನ್ ಡಿಸೋಜಾ ಅವರು ಈಗಾಗಲೇ ಸರಿದು ಹೋಗಿದ್ದು, ಇದೇ ರೀತಿ ಮಾತನಾಡಿದ್ದಲ್ಲಿ ಮುಂದಿನ ದಿನಗಳಲ್ಲಿ ಐ ಹೋಗಿ ವನ್ ಮಾತ್ರ ಆಗುವ ಸಾಧ್ಯತೆ ಇದೆ ಎಂದು ವಜ್ರದೇಹಿ ಮಠದ ಶ್ರೀರಾಜಶೇಖರಾನಂದ ಸ್ವಾಮೀಜಿ ವ್ಯಂಗ್ಯವಾಡಿದ್ರು.
ಐವನ್ ಡಿಸೋಜಾಗೆ ಶ್ರೀ ರಾಜಶೇಖರಾನಂದ ವಾಗ್ದಾಳಿ
ಇತ್ತೀಚೆಗೆ ಎಐಸಿಸಿ ಕಾರ್ಯದರ್ಶಿ ಐವನ್ ಡಿಸೋಜಾ ಅವರು ಕೇಸರಿ ಬಟ್ಟೆಯ ಬಗ್ಗೆ ಆಕ್ಷೇಪಾರ್ಹ ಹೇಳಿಕೆ ನೀಡಿದ್ದರು. ಈ ಕುರಿತು ಮಾತನಾಡಿದ ಸ್ವಾಮೀಜಿ, ನಾಳೆ ದಿನ ಐವನ್ ಡಿಸೋಜಾ ಅವರನ್ನು ಮೂಸಿ ನೋಡುವವರು ಇಲ್ಲದಂತಾಗಬಹುದು. ಈಗಲೇ ಅವರು ಕಣ್ತೆರೆಯಲಿ. ಅವರು ಯಾವ ಪಕ್ಷದಲ್ಲಿ ಗುರುತಿಸಿಕೊಂಡಿದ್ದಾರೋ ಅದೇ ಪಕ್ಷ ಮುಳುಗುತ್ತಿದೆ. ಅದರ ಜತೆ ಇವರೂ ಮುಳುಗಲಿದ್ದಾರೆ ಎಂದು ಕುಹುಕವಾಡಿದರು.
ಅವರು ಯಾರನ್ನು ವಿವಾಹವಾಗಿದ್ದಾರೋ ಅದನ್ನು ಒಮ್ಮೆ ಗಮನಿಸಲಿ. ಅವರು ಯಾವ ಕೇಸರಿಯ ಬಣ್ಣದ ಬಗ್ಗೆ ಮಾತನಾಡಿದ್ದಾರೋ ಅದೇ ಕೇಸರಿಯ ಹೆಣ್ಣನ್ನೇ ಅವರು ವಿವಾಹವಾಗಿದ್ದಾರೆ. ಮತಾಂತರ ಅಲ್ಲಿಯೇ ನಡೆದಿದೆ. ಮುಂದೆ ಅವರು ಮಾತನಾಡುವಾಗ ಜಾಗ್ರತೆಯಿಂದಿರುವುದು ಒಳಿತು ಎಂದರು.