ಪುತ್ತೂರು:ಪುತ್ತೂರಿನ ಸಾಮೆತಡ್ಕದಲ್ಲಿ ಉದ್ಘಾಟನೆಗೆ ಮುನ್ನವೇ ಪಾರ್ಕ್ನಲ್ಲಿ ಜನರು ತಮ್ಮ ವ್ಯಾಯಾಮ,ವಾಕಿಂಗ್ ಆರಂಭಿಸಿ ಗಮನಸೆಳೆದಿದ್ದಾರೆ.
ಈಗಾಗಲೇ ನಗರದಲ್ಲಿ ಹಲವೆಡೆ ನಿರ್ಮಾಣಗೊಂಡಿರುವ ಪಾರ್ಕ್ಗಳು ಹಲವಾರು ವರ್ಷಗಳು ಕಳೆದರೂ ಬಳಕೆಗೆ ಬಾರದೆ ವರ್ಷಕ್ಕೊಮ್ಮೆ ಕೇವಲ ನಿರ್ವಹಣೆಗೆ ಮಾತ್ರ ಸೀಮಿತವಾಗಿರುವುದು ಎಲ್ಲರಿಗೂ ಗೊತ್ತಿದೆ. ಆದರೆ ನಗರಸಭೆಯ ನಗರೋತ್ಥಾನದ ಯೋಜನೆಯಡಿ ಕರ್ನಾಟಕ ಹೌಸಿಂಗ್ ಬೋರ್ಡ್ಗೆ ಸೇರಿದ ಸಾಮೆತ್ತಡ್ಕ ಪರಿಸರದಲ್ಲಿ ನೂತನವಾಗಿ ನಿರ್ಮಾಣಗೊಳ್ಳುತ್ತಿರುವ ಪಾರ್ಕ್ನಲ್ಲಿ ಉದ್ಘಾಟನೆಗೆ ಮುನ್ನವೇ ಮಹಿಳೆಯರು, ಪುರುಷರು, ಮಕ್ಕಳ ಜಾಗಿಂಗ್ , ಕಸರತ್ತಿನ ಮೂಲಕ ನಗರದ ಯಶಸ್ವಿ ಪಾರ್ಕ್ ಎಂಬ ಪ್ರಶಂಸೆಗೆ ಇದೀಗ ಪಾತ್ರವಾಗಿದೆ.
ಆದರೆ ಸಾಮೆತ್ತಡ್ಕದಲ್ಲಿ 50 ಲಕ್ಷ ರೂ. ವೆಚ್ಚದಲ್ಲಿ ಈ ಪಾರ್ಕ್ ನಿರ್ಮಾಣಕ್ಕೆ ಕಳೆದ ಎರಡು ವರ್ಷಗಳ ಹಿಂದೆ ಶಿಲಾನ್ಯಾಸ ನಡೆದಿತ್ತು. ಕೊರೊನಾ ಲಾಕ್ಡೌನ್ ಸಂದರ್ಭದಲ್ಲಿ ಈ ಪಾರ್ಕ್ ಕಾಮಗಾರಿ ಭರದಿಂದ ಸಾಗುತ್ತಿತ್ತು. ಪರಿಣಾಮ ಶೇ.50 ರಷ್ಟು ಕಾಮಗಾರಿ ಈಗಾಗಲೇ ಸಂಪೂರ್ಣಗೊಂಡಿದೆ. ಇದೀಗ ಮಕ್ಕಳು ಸೇರಿ ದಿನದಲ್ಲಿ ಸುಮಾರು 100 ಕ್ಕೂ ಅಧಿಕ ಮಂದಿ ಈ ಉದ್ಯಾನವನಕ್ಕೆ ಬರುತ್ತಿದ್ದಾರೆ.