ದಕ್ಷಿಣಕನ್ನಡ: ಬೈಕ್, ಕಾರು, ಆಟೋ ರಿಕ್ಷಾಗಳನ್ನು ಕಳವು ಮಾಡುವ ಭೂಪರಿದ್ದಾರೆ. ಆದರೆ, ಇಲ್ಲೊಬ್ಬ ಸಿಟಿ ಬಸ್‌ನೇ ಕಳ್ಳತನ ಮಾಡಿ ಸಿಕ್ಕಿಬಿದ್ದಿದಾನೆ.
ದಕ್ಷಿಣಕನ್ನಡ ಜಿಲ್ಲೆಯ ಉಳ್ಳಾಲದ ಅಶ್ರಫ್ ಎಂಬವರಿಗೆ ಸೇರಿದ ಎ ಆರ್ ಟ್ರಾವೆಲ್ಸ್ ಹೆಸರಿರುವ 44ಸಿ ನಂಬರ್ನ ಬಸ್ ಇಂದು ಬೆಳಗ್ಗೆ ನಾಪತ್ತೆಯಾಗಿತ್ತು. ನಿತ್ಯ ಸ್ಟೇಟ್ ಬ್ಯಾಂಕ್-ಉಳ್ಳಾಲದ ನಡುವೆ ಓಡಾಡುವ ಸಿಟಿ ಬಸ್ನ ನಿಫಾಝ್ ಎಂಬಾತ ಉಳ್ಳಾಲದಿಂದ ನಿನ್ನೆ ರಾತ್ರಿ ಚಲಾಯಿಸಿಕೊಂಡು ಉಡುಪಿಗೆ ಬಂದಿದ್ದ ಎನ್ನಲಾಗಿದೆ.
ಮಂಗಳೂರಿನ ಬಸ್ ಉಡುಪಿಯಲ್ಲಿ ಖಾಲಿಯಾಗಿ ಓಡಾಡುತ್ತಿರುವುದನ್ನು ಕಂಡ ಸಾರ್ವಜನಿಕರಲ್ಲೊಬ್ಬರು ಬಸ್ನ ತಡೆದು ಉಳ್ಳಾಲದ ಪರಿಚಯಸ್ಥರಿಗೆ ಮಾಹಿತಿ ನೀಡಿದ್ದಾರೆ. ಆಗ ಬಸ್ ಕಳ್ಳತನ ಪ್ರಕರಣ ಬೆಳಕಿಗೆ ಬಂದಿದೆ. ಕೂಡಲೇ ಉಳ್ಳಾಲದ ಪೊಲೀಸರ ಮೂಲಕ ಬಸ್ ಮಾಲೀಕರು ಉಡುಪಿಗೆ ಬಂದು ಬಸ್ ಕದ್ದ ಯುವಕನ ಸಹಿತ ಬಸ್ನ ಉಳ್ಳಾಲಕ್ಕೆ ಕೊಂಡೊಯ್ದಿದ್ದಾರೆ ಎಂದು ಉಡುಪಿ ಪೊಲೀಸರು ತಿಳಿಸಿದ್ದಾರೆ.
ಆ ಯುವಕ ಬಸ್ನ ಕದ್ದಿರೋದಾ, ವ್ಯವಹಾರಿಕ ಒಳಜಗಳವೋ ಅಥವಾ ಮಾನಸಿಕ ಸಮಸ್ಯೆಯಿಂದ ಬಸ್ನ ಕದ್ದಿದ್ದಾನೆಯೇ ಎಂಬ ಬಗ್ಗೆ ಮಾಹಿತಿ ಇನ್ನಷ್ಟೇ ತಿಳಿಯಬೇಕಿದೆ. ನಿನ್ನೆಯಷ್ಟೇ ಬಸ್‌ಗೆ ಡೀಸೆಲ್ ತುಂಬಿಸಿ ಇನ್ನೇನು ಬೆಳಗ್ಗೆ ಬಸ್ ಸ್ವಚ್ಚಗೊಳಿಸಲು ಬಂದ ಬಸ್ ಸಿಬ್ಬಂದಿಗೆ ನಿಲ್ಲಿಸಿದ ಜಾಗದಲ್ಲಿ ಬಸ್ ಇಲ್ಲದಿರುವುದು ಶಾಕ್ ನೀಡಿತ್ತು.