ಚಾಮರಾಜನಗರ: ಗ್ರೀನ್ ಝೋನ್ ಜಿಲ್ಲೆಯಲ್ಲಿ ಮೇ.4 ರಿಂದ ಮದ್ಯ ಮಾರಾಟಕ್ಕೆ ಅನುಮತಿ ನೀಡಿದ್ದು, ನಗರದ ಯುವಕನೊಬ್ಬ ಮದ್ಯದಂಗಡಿಗೆ ಪೂಜೆ ಸಲ್ಲಿಸಿ ಸೋಮವಾರದಿಂದಲಾದರೂ ಎಣ್ಣೆ ಸಿಗಲೆಂದು ಕೋರಿ ಕೊಂಡಿದ್ದಾರೆ.
ಮದ್ಯದಂಗಡಿಗೆ ಪೂಜೆ ಸಲ್ಲಿಸಿದ ಯುವಕ
ಎಣ್ಣೇಶ್ವರನಿಗೆ ಗುಂಡುಪ್ರಿಯನ ಪೂಜೆ... ಸೋಮವಾರವಾದರೂ ಮದ್ಯದಂಗಡಿ ತೆರೆಯಲಿ ದೇವಾ?
ಮದ್ಯದಂಗಡಿ ಬಾಗಿಲು ತೆರೆದು 30 - 40 ದಿನಗಳಾಗಿದೆ. ಹೀಗಾಗಿ ಯುವಕ ಮದ್ಯದ ಅಂಗಡಿಗೆ ಪೂಜೆ ಸಲ್ಲಿಸಿ ಬರೀ ಆಸೆ ತೋರಿಸದೇ ಈ ಬಾರಿಯಾದರೂ ಅಂಗಡಿ ತೆಗೆಯಿರಿ ಎಂದು ಗಮನ ಸೆಳೆದಿದ್ದಾನೆ.
ಎಣ್ಣೇಶ್ವರನಿಗೆ ಗುಂಡುಪ್ರಿಯನ ಪೂಜೆ
ನಗರದ ಮಹಾದೇವ ಪ್ರಸಾದ್ ಎಂಬ ಯುವಕ ಇಂದು ಎಂಎಸ್ಐಎಲ್ ಮದ್ಯದಂಗಡಿ ಬಾಗಿಲಿಗೆ ಅರಿಶಿಣ - ಕುಂಕುಮದ ಪೂಜೆ ಸಲ್ಲಿಸಿದ್ದಾನೆ. ಈಡುಗಾಯಿ ಒಡೆದು ಎಣ್ಣೆ ಅಂಗಡಿ ತೆರೆದು ಸಂತೋಷ, ಸಂಭ್ರಮ ಕರುಣಿಸಪ್ಪ ಎಂದು ಬೇಡಿಕೊಳ್ಳುವ ಮೂಲಕ ಗುಂಡು ಪ್ರೇಮ ಪ್ರದರ್ಶಿಸಿದ್ದಾನೆ.