ಗುಡಿಸಲಿನೊಂದಿಗೆ ತಾಯಿ-ಮಗಳು ಸಜೀವ ದಹನ: ಕಾರಣ ನಿಗೂಢ!

ಗುಡಿಸಲಿಗೆ ಬೆಂಕಿ ಬಿದ್ದು ಭಾರಿ ಅನಾಹುತವೊಂದು ಸಂಭವಿಸಿರುವ ಘಟನೆ ತಮಿಳುನಾಡಿನ ಗಡಿಭಾಗದಲ್ಲಿ ನಡೆದಿದೆ. ಗುಡಿಸಲಿನಲ್ಲಿದ್ದ ತಾಯಿ-ಮಗಳು ಸುಟ್ಟು ಭಸ್ಮವಾಗಿದ್ದಾರೆ.

ಚಾಮರಾಜನಗರ:ಗುಡಿಸಲಿನೊಂದಿಗೆ ತಾಯಿ-ಮಗಳು ಭಸ್ಮವಾಗಿರುವ ಘಟನೆ ಗಡಿಭಾಗವಾದ ತಮಿಳುನಾಡಿಗೆ ಒಳಪಡುವ ಮಲ್ಲನಗುಳಿಯಲ್ಲಿ ನಡೆದಿದೆ.

ರಾಜಮ್ಮ (34) ಹಾಗೂ ಗೀತಾ (19) ಮೃತ ದುರ್ದೈವಿಗಳು. ಗುಡಿಸಲು ಕೂಡ ಸಂಪೂರ್ಣ ಭಸ್ಮವಾಗಿದ್ದು ತಾಯಿ ಮಗಳು ಸುಟ್ಟು ಬೂದಿಯಾಗಿದ್ದಾರೆ. ಕಳೆದ 10 ವರ್ಷಗಳ ಹಿಂದೆ ರಾಜಮ್ಮಳ ಪತಿಯೂ ತೀರಿಕೊಂಡಿದ್ದು ಮಗ ಕಳೆದ ತಿಂಗಳ ಹಿಂದೆಯಷ್ಟೆ ಕೇರಳಕ್ಕೆ ಗುಳೆ ಹೋಗಿದ್ದ ಎಂದು ತಿಳಿದುಬಂದಿದೆ.

ಘಟನೆಗೆ ನಿಖರವಾದ ಕಾರಣ ಏನು ಅನ್ನೋದು ತಿಳಿದು ಬಂದಿಲ್ಲ.ಮರಣೋತ್ತರ ಪರೀಕ್ಷೆ ನಡೆಸದಷ್ಟರ ರೀತಿ ದೇಹ ಬೂದಿಯಾಗಿದೆ ಎನ್ನಲಾಗಿದೆ.

ನೆರೆಹೊರೆಯವರು ಬೆಂಕಿ ನಂದಿಸುವಷ್ಟರಲ್ಲಿ ಗುಡಿಸಲು ಬೆಂಕಿಗಾಹುತಿಯಾಗಿದೆ ತಾಳವಾಡಿ ಪೊಲೀಸ್ ಠಾಣೆಯಲ್ಲಿ ಈ ಬಗ್ಗೆ ಪ್ರಕರಣ ದಾಖಲಾಗಿದೆ‌