ಕೊರೊನಾ ಭೀತಿ: ಸಿಎಂ ಪರಿಹಾರ ನಿಧಿಗೆ ಚೆಕ್​ ವಿತರಿಸಿ ಹಸೆಮಣೆ ಏರಿದ ಜೊಡಿ

ಲಾಕ್​ಡೌನ್​ ಹಿನ್ನೆಲೆ ಗುಂಡ್ಲುಪೇಟೆ ತಾಲೂಕಿನಲ್ಲಿ ನವಜೋಡಿ ಸರಳ ವಿವಾಹ ಮಾಡಿಕೊಳ್ಳುವ ಮೂಲಕ ಗಮನ ಸೆಳೆಯಿತು.

ಗುಂಡ್ಲುಪೇಟೆ:ತಾಲೂಕಿನ ಕುಂದಕೆರೆ ಗ್ರಾಮದ ಚೇತನ್ ಮೂರ್ತಿ ಹಾಗೂ ಶ್ರುತಿ ಎಂಬುವರು ಮುಖ್ಯಮಂತ್ರಿಗಳ ಪರಿಹಾರ ನಿಧಿಗೆ 25,000 ರೂ.ಗಳ ಚೆಕ್ ಅನ್ನು ಶಾಸಕ ಸಿ.ಎಸ್.ನಿರಂಜನ ಕುಮಾರ್ ಅವರಿಗೆ ತಲುಪಿಸುವ ಮೂಲಕ ಸರಳ ವಿವಾಹ ಮಾಡಿಕೊಂಡರು.

ಸಿಎಂ ಪರಿಹಾರ ನಿಧಿಗೆ ಚೆಕ್​ ವಿತರಿಸಿ ಹಸೆಮಣೆ ಏರಿದ ಜೊಡಿ

ಚೆಕ್​ ಸ್ವೀಕರಿಸಿ ಮಾತನಾಡಿದ ಶಾಸಕರು, ಇಂತಹ ಸರಳ ವಿವಾಹ ಸಮಾಜಕ್ಕೆ ಅವಶ್ಯಕತೆ ಇದೆ. ಈ ತರಹದ ಸರಳ ಮದುವೆಗಳಿಂದ ಆರ್ಥಿಕ ಸಮಸ್ಯೆಯಿಂದ ಹೊರಬರಬಹುದು ಎಂದರು.

ಲಾಕ್​ಡೌನ್ ಹೇರಿದ್ದರ​ ಹಿನ್ನೆಲೆ ಈ ನವಜೋಡಿ ಸರಳ ವಿವಾಹ ಮಾಡಿಕೊಳ್ಳುವ ಮೂಲಕ ತಾಲೂಕಿನಲ್ಲಿ ಗಮನ ಸೆಳೆಯಿತು.