ಚಾಮರಾಜನಗರ: ಕೊರೊನಾ ಮಹಾಮಾರಿ ಹಲವರ ಬದುಕು ಕಿತ್ತುಕೊಂಡಿರುವುದು ಎಷ್ಟು ಸತ್ಯವೋ ಅದೇ ರೀತಿ ಹಲವರಿಗೆ ಬದುಕಲು ಛಲ ತಂದುಕೊಟ್ಟಿರುವುದು ಅಷ್ಟೇ ಸತ್ಯ. ಲಾಕ್ಡೌನ್ನಿಂದ ಕೆಲಸ ಕಳೆದುಕೊಂಡು ದಿಕ್ಕೇ ತೋಚದಿದ್ದ ವೇಳೆ ಕರ್ಪೂರ ತಯಾರಿಕೆ ಇಲ್ಲೊಬ್ಬರ ಕೈಹಿಡಿದಿದೆ.
ಕೊಳ್ಳೇಗಾಲ ತಾಲೂಕಿನ ಸರಗೂರು ಗ್ರಾಮದ ಉಮೇಶ್ ಆರಾಧ್ಯ ಎಂಬುವರು ಬೆಂಗಳೂರಿನ ಅಗರಬತ್ತಿ ಕಂಪನಿಯ ಮಾರ್ಕೆಟಿಂಗ್ ವಿಭಾಗದಲ್ಲಿ ಕೆಲಸ ಮಾಡುತ್ತಿದ್ದರು. ಪತ್ನಿ ಕರ್ಪೂರ ತಯಾರಿಕೆ ಕಲಿಯುತ್ತಿದ್ದರು. ಆದರೆ ಕೊರೊನಾದಿಂದ ನೌಕರಿ ಕಳೆದುಕೊಂಡ ಉಮೇಶ್ಗೆ ಬೆಳಕಾಗಿದ್ದು ಕರ್ಪೂರ ತಯಾರಿಕೆ.
ಕೊರೊನಾದಿಂದ ನೌಕರಿ ಕಳೆದುಕೊಂಡವನ ಮನೆ ಬೆಳಗಿದ ಕರ್ಪೂರ!
ಇತ್ತ ನೌಕರಿ ಇಲ್ಲದೇ ಕಂಗೆಟ್ಟಿದ್ದ ಉಮೇಶ್, ಸಂಪೂರ್ಣವಾಗಿ ಕರ್ಪೂರ ತಯಾರಿಕೆಯಲ್ಲಿ ತೊಡಗಿಕೊಂಡು ಪತ್ನಿಗೂ ಕರ್ಪೂರ ತಯಾರಿಕೆಯ ನೈಪುಣ್ಯತೆ ಕಲಿಸಿದರು. ಇದಕ್ಕೆ ಉಮೇಶ್ ತಾಯಿ ಪಾರ್ವತಮ್ಮ ಕೂಡ ಜೊತೆಯಾಗಿ ಇಡೀ ಕುಟುಂಬ ಕರ್ಪೂರ ತಯಾರಿಕೆಯ ಸ್ವಾವಲಂಬಿ ಜೀವನಕ್ಕೆ ಅಡಿಯಿಟ್ಟು 9 ತಿಂಗಳ ಅವಧಿಯಲ್ಲಿ ಲಾಭದಾಯಕ ಕಸುಬನ್ನಾಗಿಸಿಕೊಂಡಿದ್ದಾರೆ.