ಬೆಂಗಳೂರು: ದಿನದಿಂದ ದಿನಕ್ಕೆ ಬಿಸಿಲಿನ ತಾಪ ಹೆಚ್ಚಾಗುತ್ತಿದ್ದು, ಕಾಡು ಪ್ರಾಣಿಗಳು ನಾಡಿನತ್ತ ಮುಖ ಮಾಡಿವೆ. ತಮಿಳುನಾಡಿನ ಕೃಷ್ಣಗಿರಿ ಜಿಲ್ಲೆಯ ಸೂಳಗಿರಿ ಬಳಿಯ ಅತ್ತಿಮೊಗಂ, ಗಟ್ಟಪಲ್ಲಿ ಸುತ್ತ ಹತ್ತಾನೆಗಳು ಕಾಣಿಸಿಕೊಂಡಿವೆ.
ಬೇಸಿಗೆ ಆರಂಭಗೊಂಡು ಕಾಡಿನಲ್ಲೂ ನೀರಿಗೆ, ಮೇವಿಗೆ ಹಾಹಾಕಾರವೆದ್ದಿದೆ. ಸುಡು ಬಿಸಿಲಿಗೆ ಹಚ್ಚ ಹಸಿರಿನ ಗಿಡ-ಮರಗಳು ಒಣಗಿ ಹೋಗಿದ್ದು, ಕಾದ ಬಾಣಲೆಯಂತಾಗಿ ಅಂತರ್ಜಲ ಬತ್ತಿ ಪಾತಾಳಕ್ಕಿಳಿದಿದೆ. ಇದ್ದ ಕೆರೆ ಕುಂಟೆಗಳು ಕೂಡ ಬಿರುಕು ಬಿಟ್ಟು ಜೀವಜಲವೇ ಕಾಣದಾಗಿದೆ.
ತಮಿಳುನಾಡಿನ ಕೃಷ್ಣಗಿರಿ ಜಿಲ್ಲೆಯ ಸೂಳಗಿರಿ ಬಳಿ ಪ್ರತ್ಯಕ್ಷವಾದ ಹತ್ತಾನೆಗಳು