ಬೀದರ್​ನಲ್ಲಿ ಒಟ್ಟು 108 ಮಂದಿಗೆ ಕೊರೊನಾ ಸೋಂಕು.. 6,952 ವರದಿ ಬಾಕಿ

ಗಡಿ ಜಿಲ್ಲೆ ಬೀದರ್​ನಲ್ಲಿ ಒಟ್ಟು 108 ಜನರಲ್ಲಿ ಕೊರೊನಾ ಸೋಂಕು ಪತ್ತೆಯಾಗಿದ್ದು, ಇನ್ನೂ 6,952 ಜನರ ವರದಿ ಬರುವುದು ಬಾಕಿಯಿದೆ ಎಂದು ಜಿಲ್ಲಾಡಳಿತ ಪ್ರಕಟಣೆಯಲ್ಲಿ ತಿಳಿಸಿದೆ.

ಬೀದರ್: ಗಡಿ ಜಿಲ್ಲೆ ಬೀದರ್​ನಲ್ಲಿ ಕೊರೊನಾ ಅಟ್ಟಹಾಸ ಮುಂದುವರೆದಿದ್ದು,108 ಜನರಲ್ಲಿ ಸೋಂಕು ಪತ್ತೆಯಾಗಿದೆ. ಇನ್ನೂ 6,952 ಜನರ ಗಂಟಲು ದ್ರವ ಪರೀಕ್ಷೆಗೆ ರವಾನಿಸಲಾಗಿದ್ದು,ವರದಿ ಬರುವುದು ಬಾಕಿಯಿದೆ.

ಬೀದರ್​ನಲ್ಲಿ ಒಟ್ಟು 108 ಮಂದಿಗೆ ಕೊರೊನಾ ಸೋಂಕು..6,952 ವರದಿ ಬಾಕಿ

ಕಳೆದೆರಡು ತಿಂಗಳಿಂದ ಜಿಲ್ಲೆಯಲ್ಲಿ ಸೊಂಕು ಹತೋಟಿಗೆ ಬಂದಿತ್ತು ಆದರೆ, ಮಹಾರಾಷ್ಟ್ರದಿಂದ ವಾಪಸ್​ ಬಂದ ಕೆಲವರಿಂದ ಸೋಂಕಿತರ ಪ್ರಮಾಣ ಹೆಚ್ಚಾಗುತ್ತಿದೆ.

ಈಗಾಗಲೇ ಜಿಲ್ಲೆಯಲ್ಲಿ 108 ಜನರಿಗೆ ಸೋಂಕು ತಗುಲಿದ್ದು, ಮೂವರು ಸಾವಿಗಿಡಾಗಿದ್ದಾರೆ. 24 ಜನರು ಗುಣಮುಖರಾಗಿದ್ದು, 81 ಜನರಿಗೆ ಕೊರೊನಾ ವಾರ್ಡ್​ನಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ಜಿಲ್ಲಾಡಳಿತ ಪ್ರಕಟಣೆಯಲ್ಲಿ ತಿಳಿಸಿದೆ.