ಗಣಿನಗರಿಯಲ್ಲಿ ಎರಡು ಸ್ಕೂಟಿ, ಒಂದು ಬೈಕ್ ಬೆಂಕಿಗಾಹುತಿ

ಬಳ್ಳಾರಿ ನಗರದ ಪಾತಕದಮ್ ಬೀದಿಯ ಮನೆಗಳ ಮುಂದೆ ನಿಲುಗಡೆ ಮಾಡಲಾಗಿದ್ದ ಎರಡು ಡಿಯೋ ಕಂಪನಿಯ ಸ್ಕೂಟಿಗಳು ಹಾಗೂ ಹೋಂಡಾ ಬೈಕ್​ ಸುಟ್ಟು ಕರಕಲಾಗಿವೆ. ಈ ಸಂಬಂಧ ಬ್ರೂಸ್ ಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಬಳ್ಳಾರಿ:ನಗರದಲ್ಲಿ ಮನೆ ಮುಂದೆ ನಿಲ್ಲಿಸಿದ್ದ ಎರಡು ಸ್ಕೂಟಿ ಒಂದು ಬೈಕ್​ ಬೆಂಕಿಗಾಹುತಿಯಾದ ಘಟನೆ ನಡೆದಿದೆ.

ನಗರದ ಪಾತಕದಮ್ ಬೀದಿಯ ಮನೆ ಮುಂದೆ ನಿಲುಗಡೆ ಮಾಡಲಾಗಿದ್ದ ಎರಡು ಡಿಯೋ ಕಂಪನಿ ಸ್ಕೂಟಿಗಳು ಹಾಗೂ ಹೋಂಡಾ ಆ್ಯಕ್ಟಿವಾ ಬೈಕ್​ಗೆ ಯಾರೋ ಕಿಡಿಗೇಡಿಗಳು ಸೋಮವಾರ ಮಧ್ಯರಾತ್ರಿ 12.30 ರ ವೇಳೆ ಬೆಂಕಿ ಇಟ್ಟಿದ್ದಾರೆ. ಆ ಮೂರು ಬೈಕ್​ಗಳು ಸುಟ್ಟು ಕರಕಲಾಗಿವೆ. ಆದರೆ ಈವರೆಗೂ ಯಾವುದೇ ಕಾರಣ ತಿಳಿದು ಬಂದಿಲ್ಲ.

ವಿಷಯ ತಿಳಿದ ಬ್ರೂಸ್ ಪೇಟೆ ಠಾಣೆಯ ಪೊಲೀಸರು ಕೂಡಲೇ ಘಟನಾ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಈ ಸಂಬಂಧ ಬ್ರೂಸ್ ಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.