ಬಳ್ಳಾರಿ : ಕೇಂದ್ರ ಬಿಜೆಪಿ ಸರ್ಕಾರ ಜಾರಿಗೊಳಿಸಿರುವ ಪೌರತ್ವ ತಿದ್ದುಪಡಿ ಮಸೂದೆಯನ್ನು ಹಿಂಪಡೆಯಬೇಕೆಂದು ಎಂದು ಆಗ್ರಹಿಸಿ ಎಸ್. ಯು.ಸಿ.ಐ ಪ್ರತಿಭಟನೆ ನಡೆಸಿತು.
ಕೇಂದ್ರ ಬಿಜೆಪಿ ಸರ್ಕಾರ ಜಾರಿಗೊಳಿಸಿದ ಅಪ್ರಜಾತಾಂತ್ರಿಕ ಮತ್ತು ಕೋಮುವಾದಿ ಸಿಎಬಿ ಪೌರತ್ವ ತಿದ್ದುಪಡಿ ಮಸೂದೆಯನ್ನು ತೀವ್ರವಾಗಿ ಖಂಡಿಸುತ್ತದೆ. ತಕ್ಷಣವೇ ಮಸೂದೆಯನ್ನು ಹಿಂಪಡೆಯಬೇಕೆಂದು ಆಗ್ರಹಿಸಿ ನಗರದ ರಾಯಲ್ ವೃತ್ತದಲ್ಲಿ ಎಸ್.ಯು.ಸಿ.ಐ (ಕಮ್ಯುನಿಸ್ಟ್ ) ಪಕ್ಷದ ರಾಜ್ಯ ಸೆಕ್ರಟೇರಿಯೆಟ್ ಸದಸ್ಯ ಕಾ.ಸೋಮಶೇಖರ್ ನೇತೃತ್ವದಲ್ಲಿ ಪ್ರತಿಭಟನೆ ನಡೆಸಲಾಯಿತು.
ಇದೇ ವೇಳೆ ಮಾತನಾಡಿದ ಎಸ್. ಯು.ಸಿ ಐ (ಕಮ್ಯುನಿಸ್ಟ್ ) ಪಕ್ಷದ ರಾಜ್ಯ ಸೆಕ್ರಟೇರಿಯೆಟ್ ಸದಸ್ಯ ಕಾ.ಸೋಮಶೇಖರ್. ಅಘ್ಪಾನಿಸ್ತಾನ, ಬಾಂಗ್ಲಾದೇಶ ಮತ್ತು ಪಾಕಿಸ್ತಾನದಿಂದ ಬಂದಿರುವ ಹಿಂದೂ, ಸಿಖ್, ಬೌದ್ದರು, ಜೈನರು, ಪಾರ್ಸಿಗಳು, ಕ್ರೈಸ್ತ ರಿಗೆ ಈ ಮಸೂದೆಯ ಅನ್ವಯ ಪೌರತ್ವವನ್ನು ನೀಡಲಾಗುವುದು. ಮುಖ್ಯ ಉದ್ದೇಶ ನೆರೆ ದೇಶದಲ್ಲಿ ಹಿಂಸೆಗೊಳಗಾದ ಅಲ್ಪಸಂಖ್ಯಾತರಿಗೆ, ನಿರಾಶ್ರಿತರಿಗೆ ಅಶ್ರಯ ನೀಡುವುದಾಗಿದೆ. ಈ ಮಸೂದೆಯು ಭಾರತೀಯ ಪೌರತ್ವವನ್ನು ನಿರ್ಣಯಿಸುವುದರಲ್ಲಿ ಧರ್ಮವನ್ನು ಮಾನದಂಡ ಮಾಡಿರುವುದು ಅತ್ಯಂತ ಖಂಡನೀಯ ಎಂದರು.
ಪ್ರತಿಭಟನೆಯಲ್ಲಿ ಎಸ್.ಯು.ಸಿ.ಐ ನಗರದ ಸ್ಥಳೀಯ ಸಮುತಿ ಕಾರ್ಯದರ್ಶಿ ಡಾ.ಪ್ರಮೋದ್, ಈಶ್ವರಿ, ಅಬ್ದುಲ್ ಖಾಲಿದ್, ಹೊನ್ನೂರ್ ಸಾಬ್, ವಹೀದಾ ಬೀ, ಶಾಂತ, ಹನುಮಪ್ಪ ಭಾಗವಹಿಸಿದ್ದರು.
