ಬೀದರ್​ನಲ್ಲಿ ಕೊವಿಡ್-19 ಸೋಂಕಿತರ ಪರಿಕ್ಷೆ: 14 ಪಾಸಿಟಿವ್, 587 ನೆಗೆಟಿವ್, 1090 ವರದಿ ಬಾಕಿ

ಸೋಂಕಿತ 14 ಜನರ ಪ್ರಾಥಮಿಕ ಸಂಪರ್ಕದಲ್ಲಿದ್ದ 553 ಜನರು ಹಾಗೂ ಎರಡನೆ ಹಂತದ ಸಂಪರ್ಕದಲ್ಲಿ ಬಂದ 1229 ಜನರ ಪರಿಕ್ಷೆ ಮಾಡಲಾಗಿದೆ ಎಂದು ಜಿಲ್ಲಾಡಳಿತ ತಿಳಿಸಿದೆ.

ಬೀದರ್:ಮಹಾಮಾರಿ ಕೊರೊನಾ ವೈರಸ್ ಸೊಂಕು ಗಡಿ ಜಿಲ್ಲೆ ಬೀದರ್ ಜನರ ನಿದ್ದೆಗೆಡಿಸಿದ್ದು, ಜಿಲ್ಲಾಡಳಿತ ನಡೆಸುತ್ತಿರುವ ಶಂಕಿತರ ಗಂಟಲು ದ್ರವ ಹಾಗೂ ರಕ್ತದ ಮಾದರಿ ಪರೀಕ್ಷೆ ಮುಂದುವರಿದಿದೆ.

ಜಿಲ್ಲೆಯಲ್ಲಿ 14 ಪಾಸಿಟಿವ್ ಪ್ರಕರಣಗಳಿದ್ದು, ಲ್ಯಾಬ್​ಗೆ ಕಳುಹಿಸಿ 1090 ಜನರ ವರದಿ ಬಾಕಿ ಇದೆ ಎಂದು ಹೇಳಲಾಗಿದೆ.

ಈ ಕುರಿತು ಕೊರೊನಾ ಬುಲೆಟಿನ್​ನಲ್ಲಿ ಹೊರಡಿಸಿದ ಪ್ರಕಟಣೆಯಲ್ಲಿ ಜಿಲ್ಲೆಯಲ್ಲಿ 1691 ಜನರ ರಕ್ತ ಹಾಗೂ ಗಂಟಲಿನ ಮಾದರಿಯನ್ನು ಪ್ರಯೋಗಾಲಯಕ್ಕೆ ಪರೀಕ್ಷೆಗಾಗಿ ರವಾನಿಸಲಾಗಿದ್ದು 14 ಜನರಲ್ಲಿ ಸೋಂಕು ಧೃಡವಾಗಿದೆ. 587 ಜನರದ್ದು ನೆಗೆಟಿವ್ ವರದಿ ಬಂದಿದ್ದು 1090 ಜನರ ವರದಿ ಬರುವುದು ಬಾಕಿ ಇದೆ ಎನ್ನಲಾಗಿದೆ.

ಕೊರೊನಾ ವರದಿ

ಸೋಂಕಿತ 14 ಜನರ ಪ್ರಾಥಮಿಕ ಸಂಪರ್ಕದಲ್ಲಿದ್ದ 553 ಜನರು ಹಾಗೂ ಎರಡನೆ ಹಂತದ ಸಂಪರ್ಕದಲ್ಲಿ ಬಂದ 1229 ಜನರ ಪರಿಕ್ಷೆ ಮಾಡಲಾಗಿದೆ ಎಂದು ಜಿಲ್ಲಾಡಳಿತ ತಿಳಿಸಿದೆ.