ಬೆಳಗಾವಿ: ಕೊಲೆಯಾದ ವ್ಯಕ್ತಿಯ ಅಂತ್ಯಸಂಸ್ಕಾರವನ್ನು ತನ್ನ ಜಮೀನಿನಲ್ಲಿ ಮಾಡಬೇಡಿ ಎಂದು ಪಟ್ಟು ಹಿಡಿದಿದ್ದ ಜಮೀನು ಮಾಲೀಕನಿಗೆ ಮೃತನ ಸಂಬಂಧಿಕರು ಹಿಗ್ಗಾಮುಗ್ಗಾ ಥಳಿಸಿರುವ ಘಟನೆ ಜಿಲ್ಲೆಯ ರಾಮದುರ್ಗ ತಾಲೂಕಿನ ತೋರನಗಟ್ಟಿ ಗ್ರಾಮದಲ್ಲಿ ನಡೆದಿದೆ.
ಅಂತ್ಯಸಂಸ್ಕಾರಕ್ಕೆ ಜಾಗ ನೀಡದ್ದಕ್ಕೆ ಜಮೀನು ಮಾಲೀಕನಿಗೆ ಹಿಗ್ಗಾಮುಗ್ಗಾ ಥಳಿತ
ಭೂಮಿ ಮಾಲೀಕ ಯಮನಪ್ಪ ಪೂಜಾರಿ ಥಳಿತಕ್ಕೊಳಗಾಗಿರುವ ವ್ಯಕ್ತಿ. ಹಣದ ವಿಚಾರವಾಗಿ ಅದೇ ಗ್ರಾಮದ ಪ್ರಕಾಶ್ ಬಡಕಲೂರ (26) ಎಂಬ ಯುವಕನನ್ನು ಕೊಲೆ ಮಾಡಿ ಸಾಕ್ಷಿ ಮುಚ್ಚಿ ಹಾಕಲು ಶವವನ್ನು ನೇಣಿಗೆ ಹಾಕಲಾಗಿತ್ತು. ಮೃತನ ಅಂತ್ಯಸಂಸ್ಕಾರಕ್ಕೆ ಭೂಮಿ ನೀಡದ್ದಕ್ಕೆ ಆತನ ಸಂಬಂಧಿ ಹಾಗೂ ದಲಿತ ಸಂಘಟನೆ ಕಾರ್ಯಕರ್ತರು ಸೇರಿಕೊಂಡು ಯಮನಪ್ಪನಿಗೆ ಥಳಿಸಿದ್ದಾರೆ.