ಬೆಲ್ಜಿಯಂನಿಂದ ಬೆಂಗಳೂರಿಗೆ ಎಂಡಿಎಂಎ ಆಮದು ಮಾಡಿಕೊಂಡ ಮಹಿಳೆಯ ಬಂಧನ

ಬೆಲ್ಜಿಯಂನಿಂದ ಬೆಂಗಳೂರಿಗೆ ಎಂಡಿಎಂಎ ಆಮದು ಮಾಡಿಕೊಂಡ ಮಹಿಳೆಯನ್ನು ಕಸ್ಟಮ್ಸ್​ ಅಧಿಕಾರಿಗಳು ಬಂಧಿಸಿದ್ದಾರೆ.

ಬೆಂಗಳೂರು: ಬೆಲ್ಜಿಯಂನಿಂದ ಆಮದು ಮಾಡಿಕೊಳ್ಳಲಾಗಿದ್ದ ಎಂಡಿಎಂಎ ಪಡೆಯಲು‌ ಬಂದಿದ್ದ ಮಹಿಳೆಯನ್ನ ಕಸ್ಟಮ್ಸ್ ಅಧಿಕಾರಿಗಳು ಬಂಧಿಸಿ ನ್ಯಾಯಾಂಗ ಬಂಧನಕ್ಕೊಪ್ಪಿಸಿದ್ದಾರೆ.

ನಗರದ ಇಂಟರ್​ನ್ಯಾಷನಲ್​ ಸ್ಕೂಲ್​ವೊಂದರ ಈಜು ತರಬೇತುದಾರಳಾಗಿರುವ ಆರೋಪಿ ಮಹಿಳೆ ಬೆಲ್ಜಿಯಂನಿಂದ ಆಮದು ಮಾಡಿಕೊಂಡಿದ್ದ ಎಂಡಿಎಂಎ ಮಾತ್ರೆಗಳಿದ್ದ ಪಾರ್ಸಲ್ ಪಡೆಯಲು ನಿನ್ನೆ ಏರ್ ಕಾರ್ಗೋ ರಿಸೀವ್ ಸೆಂಟರ್ ಬಳಿ ಬಂದಿದ್ದಳು. ಆದರೆ, ಏರ್ ಕಾರ್ಗೋ ತಪಾಸಣೆ ವೇಳೆ ಪಾರ್ಸೆಲ್​​ನಲ್ಲಿ ಬರೋಬ್ಬರಿ 76. 2 ಲಕ್ಷ ಮೌಲ್ಯದ 5080 ಎಂಡಿಎಂಎ ಮಾತ್ರೆಗಳಿರುವುದು ಪತ್ತೆಯಾಗಿತ್ತು.

ತಪಾಸಣೆ ವೇಳೆ ಗೊತ್ತಾಗಿರುವ ವಿಷಯ ಅರಿತು ಪರಾರಿಯಾಗಲು ಯತ್ನಿಸಿದಾಗ ಆರೋಪಿ ಬೆನ್ನಟ್ಟಿದ ಏರ್​ಪೋರ್ಟ್ ಭದ್ರತಾ ಸಿಬ್ಬಂದಿ ವಶಕ್ಕೆ ಪಡೆದಿದ್ದರು. ಇಂದು ಆರೋಪಿಯನ್ನ ಕಸ್ಟಮ್ಸ್ ಅಧಿಕಾರಿಗಳು ನ್ಯಾಯಾಂಗ ಬಂಧನಕ್ಕೊಪ್ಪಿಸಿದ್ದಾರೆ.

ಓದಿ:ಪ್ರೀತಿ ಹೆಸರಲ್ಲಿ ಬಾಲಕಿಯ ಅತ್ಯಾಚಾರ: ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್​​​