ಬೆಂಗಳೂರು: ಕೊರೊನಾ 2ನೇ ಅಲೆಯ ಸಂದರ್ಭದಲ್ಲಿ ಅತ್ಯಂತ ಖೇದಕರ ಸಂಗತಿ ಎಂದರೆ ಐಸಿಯು ಸಿಗುತ್ತಿಲ್ಲ, ಬೆಡ್ ಸಿಗುತ್ತಿಲ್ಲ ಎನ್ನುವುದು. ಈ ಬಗ್ಗೆ ಬೆಳಗ್ಗಿನಿಂದ ಸುಮಾರು 30 ಕರೆಗಳು ಬಂದಿವೆ. ಯಾವುದೇ ಕೋವಿಡ್ ಆಸ್ಪತ್ರೆಯನ್ನು ಕೇಳಿ 3 ಪಟ್ಟು ಜಾಸ್ತಿ ಕೊಟ್ಟು ಆಕ್ಸಿಜನ್ ಸಿಲಿಂಡರ್ ತಂದಿದ್ದೇವೆ ಎನ್ನುತ್ತಾರೆ ಎಂದು ಕಿಮ್ಸ್ ಆಸ್ಪತ್ರೆಯ ವೈದ್ಯ ಡಾ. ಅಂಜನಪ್ಪ ಭೀಕರ ಪರಿಸ್ಥಿತಿಯ ಬಗ್ಗೆ ವಾಸ್ತವಿಕತೆ ಬಿಚ್ಚಿಟ್ಟರು.
ಕಿಮ್ಸ್ ವೈದ್ಯ ಡಾ. ಅಂಜನಪ್ಪ ಸಲಹೆ
ಆಕ್ಸಿಜನ್ ಸಿಲಿಂಡರ್ ಇಲ್ಲದಿದ್ದರೆ ಆಕ್ಸಿಜನ್ ತಯಾರು ಮಾಡುವ ಮಿಷನ್ ಸಿಗುತ್ತಾ ಎಂದು ಹಲವು ಜನ ನನ್ನನ್ನು ಸಂಪರ್ಕಿಸಿದ್ದಾರೆ. ಈ ಪ್ರಶ್ನೆಗೆ ಮಾಹಿತಿ ಕೊಡುತ್ತೇನೆ. ಈ ಉಪಕರಣಕ್ಕೆ ಆಕ್ಸಿಜನ್ ಕಾನ್ಸನ್ಟ್ರೇಟರ್ ಎನ್ನುತ್ತೇವೆ. ನಿಮಗೆ ಆರ್ಥಿಕ ಶಕ್ತಿ ಇದ್ದರೆ ಅದರ ಬೆಲೆ 70 ಸಾವಿರದಿಂದ 1.5 ಲಕ್ಷದವರೆಗೂ ಇದ್ದು, ಬುಕ್ ಮಾಡಿದರೆ 15 ದಿನದಲ್ಲಿ ನಿಮ್ಮ ಮನೆ ಬಾಗಿಲಿಗೆ ಬರುತ್ತದೆ ಎಂದು ಹೇಳಿದರು.