ಬೆಂಗಳೂರು: ಸಾಂಕ್ರಾಮಿಕ ಕೊರೊನಾ ಸೋಂಕು ಕಾಲಿಟ್ಟು ಎರಡು ವರ್ಷಗಳು ಕಳೆದಿವೆ. ಇಂದಿಗೂ ಈ ಕಣ್ಣಿಗೆ ಕಾಣದ ವೈರಸ್ನ ಕುರಿತು ಆತಂಕ ಕಡಿಮೆ ಆಗಿಲ್ಲ. ವೈರಸ್ ನಿಯಂತ್ರಣಕ್ಕೆ ಸರ್ಕಾರ ಹಾಗೂ ಆರೋಗ್ಯ ಇಲಾಖೆ ಹಲವು ತಂತ್ರಗಳನ್ನ ಹೂಡಿದರೂ ಸಂಪೂರ್ಣ ಹೋಗಲಾಡಿಸಲು ಆಗಲಿಲ್ಲ. ಇತ್ತ ಕೊರೊನಾ ಹರಡುವಿಕೆಯನ್ನ ತಪ್ಪಿಸಲು ಆಗದೇ ಇದ್ದರೂ ಸೋಂಕಿನ ತೀವ್ರತೆ ಕಡಿಮೆ ಮಾಡಲು ಕೊರೊನಾ ಲಸಿಕೆ ನೀಡಲಾಗುತ್ತಿದೆ.
ಮಣಿಪಾಲ್ ಆಸ್ಪತ್ರೆಯ ವೈದ್ಯ ಡಾ. ಪ್ರದೀಪ್ ರಂಗಪ್ಪ ಮಾಹಿತಿ
ಕೋವಿಡ್ ಲಸಿಕೆ ಬಂದು ವರ್ಷವಾಗಿದೆ. ಈ ಮಧ್ಯೆ ಹೊಸ ರೂಪಾಂತರಿ ಒಮಿಕ್ರಾನ್ ನಿಂದ ಬಚಾವ್ ಆಗಲು ಬೂಸ್ಟರ್ ಡೋಸ್ ನೀಡಲಾಗುತ್ತಿದೆ. ಆದ್ರೆ ಕೋವಿಡ್ ಮೊದಲ ಡೋಸ್ ಪಡೆದ ಹಲವರು, ಎರಡನೇ ಡೋಸ್ ಪಡೆಯುವುದನ್ನ ಮರೆತಿದ್ದಾರೆ. ನಿಗದಿತ ಸಮಯ ಮೀರಿ ಹೋದರೂ ಕೆಲವರು ಲಸಿಕೆಯನ್ನ ಪಡೆಯದೇ ಇರುವುದು ಕಂಡುಬಂದಿದೆ. ಹೀಗೆ ಮೊದಲ ಡೋಸ್ ಪಡೆದ ಮೇಲೆ ನಿಗದಿತ ಸಮಯದೊಳಗೆ ಲಸಿಕೆ ಪಡೆಯದಿದ್ದರೆ ಏನು ಆಗುತ್ತೆ? ಸಮಯ ಮೀರಿದ ಮೇಲೆ ಲಸಿಕೆಯನ್ನ ಪಡೆಯಬಹುದಾ? ಎಂಬುದರ ಕುರಿತು ತಜ್ಞರು ಮಾಹಿತಿಯನ್ನ ನೀಡಿದ್ದಾರೆ.