ಮಹಾ ಸರ್ಕಾರ ಮನವೊಲಿಸಿದ ಖಂಡ್ರೆ : ತವರಲ್ಲಿ ಮಗುವಿಗೆ ಜನ್ಮ ನೀಡಲಿದ್ದಾರೆ ಮೌನೇಶ್ವರಿ !!

ಈಶ್ವರ್ ಖಂಡ್ರೆ, ಟ್ಟೀಟ್ ಮೂಲಕ ಮಹಾರಾಷ್ಟ ನಾಯಕಿ ಹಾಗೂ ಸಂಸದೆ ಸುಪ್ರಿಯ ಸುಳೆ ಹಾಗೂ ಮಹಾರಾಷ್ಟ್ರ ರಾಜ್ಯದ ಸಚಿವರಾದ ಬಾಳಸಾಬ್​​​ ತೋರಟ್, ಅಮಿತ್ ದೇಶಮುಖ ಅವರಿಗೆ ಕರ್ನಾಟಕದ ಮಹಿಳೆಯನ್ನು ಕರ್ನಾಟಕಕ್ಕೆ ಕಳುಹಿಸಿಕೊಡಲು ವ್ಯವಸ್ಥೆ ಮಾಡುವಂತೆ ಟ್ವಿಟರ್​ ಮೂಲಕ ಮನವಿ ಮಾಡಿಕೊಂಡಿದ್ದಾರೆ.

ಬೆಂಗಳೂರು : ತವರಿನಲ್ಲಿ ಮಗುವಿಗೆ ಜನ್ಮ ನೀಡುವ ಆಶಯ ಹೊಂದಿದ್ದ ಮಹಿಳೆಯ ಪರವಾಗಿ ಮಹಾರಾಷ್ಟ್ರ ಸರ್ಕಾರವನ್ನು ಮನವೊಲಿಸುವಲ್ಲಿ ಕೆಪಿಸಿಸಿ ಕಾರ್ಯಾಧ್ಯಕ್ಷ ಈಶ್ವರ್ ಖಂಡ್ರೆ ಯಶಸ್ವಿಯಾಗಿದ್ದಾರೆ.

ಬಸವಕಲ್ಯಾಣ ನಿವಾಸಿಯಾದ ಮೌನೇಶ್ವರಿ ಹಾಗೂ ಪತಿ ನಾಗೇಶ್ ಅವರು ಲಾಕ್​‘ಡೌನ್​ನಿಂದಾಗಿ ಪುಣೆಯ ಮಂಜ್ರಿ ಗ್ರಾಮದಲ್ಲಿ ಸಿಲುಕಿಕೊಂಡಿದ್ದಾರೆ. ಮೌನೇಶ್ವರಿ 8 ತಿಂಗಳ ಗರ್ಭಿಣಿಯಾಗಿದ್ದು, ತಾವು ಹೇಗಾದರೂ ತವರಿಗೆ ಬಂದು ಮಗುವಿಗೆ ಜನ್ಮ ನೀಡಬೇಕೆಂದು ಬಯಸಿದ್ದರು. ಈ ಬಯಕೆಯನ್ನು ತಮ್ಮ ಪತಿಗೆ ಹೇಳಿಕೊಂಡಿದ್ದಾರೆ. ನಂತರ ನಾಗೇಶ್ ಈ ವಿಷಯವನ್ನು ಕೆಪಿಸಿಸಿ ಕಾರ್ಯಾಧ್ಯಕ್ಷ ಈಶ್ವರ್ ಖಂಡ್ರೆ ಅವರ ಗಮನಕ್ಕೆ ತಂದ್ದಿದ್ದಾರೆ.

ಕೂಡಲೇ ಸ್ಪಂದಿಸಿದ ಈಶ್ವರ್ ಖಂಡ್ರೆ, ಟ್ಟೀಟ್ ಮೂಲಕ ಮಹಾರಾಷ್ಟ ನಾಯಕಿ ಹಾಗೂ ಸಂಸದೆ ಸುಪ್ರಿಯ ಸುಳೆ ಹಾಗೂ ಮಹಾರಾಷ್ಟ್ರ ರಾಜ್ಯದ ಸಚಿವರಾದ ಬಾಳಸಾಬ್​ ತೋರಟ್, ಅಮಿತ್ ದೇಶಮುಖ ಅವರಿಗೆ ಟ್ವಿಟರ್​ ಮೂಲಕ ಮನವಿ ಮಾಡಿಕೊಂಡಿದ್ದಾರೆ.

ಈಶ್ವರ್ ಖಂಡ್ರೆ ಮನವಿಗೆ ಸ್ಪಂದಿಸಿದ ನಾಯಕರು, ಮೌನೇಶ್ವರಿ ಅವರನ್ನು ಊರಿಗೆ ಕಳುಹಿಸಿಕೊಡಲು ವ್ಯವಸ್ಥೆ ಮಾಡಿದ್ದಾರೆ. ಪರಿಣಾಮ ಇಂದು ಮೌನೇಶ್ವರಿಯವರು ಬಸವಕಲ್ಯಾಣಕ್ಕೆ ಆಗಮಿಸುತ್ತಿದ್ದಾರೆ. ತಮ್ಮ ಮನವಿಗೆ ಸ್ಪಂದಿಸಿದ ಮಹಾರಾಷ್ಟ್ರದ ನಾಯಕರಿಗೆ ಖಂಡ್ರೆ ಅಭಿನಂದನೆ ಸಲ್ಲಿಸಿದ್ದಾರೆ.