ಬಾಗಲಕೋಟೆಯಲ್ಲಿ ಗುಟ್ಕಾ ಅಡ್ಡೆ ಮೇಲೆ ದಾಳಿ: ನಾಲ್ವರ ಬಂಧನ

ಅಕ್ರಮವಾಗಿ ಮಾವಾ (ಗುಟ್ಕಾ) ಮಾರಾಟದಲ್ಲಿ ತೊಡಗಿದ್ದ ಆರೋಪಿಗಳನ್ನು ಪೊಲೀಸ್ ಇನ್ಸ್​ಪೆಕ್ಟರ್​ ಎಸ್. ಎಂ ತಹಶೀಲ್ದಾರ ನೇತೃತ್ವದ ತಂಡ ದಾಳಿ ಮಾಡಿ ಬಂಧಿಸಿದೆ.

ಬಾಗಲಕೋಟೆ: ಅಕ್ರಮ ಮಾವಾ (ಗುಟ್ಕಾ) ಮಾರಾಟದ ವೇಳೆ ದಾಳಿ ನಡೆಸಿದ ಪೊಲೀಸರು ಆರೋಪಿಗಳನ್ನು ಬಂಧಿಸಿದ ಘಟನೆ ಗುಳೇದಗುಡ್ಡದಲ್ಲಿ ನಡೆದಿದೆ.

ಬಸಯ್ಯ ನಾಗಯ್ಯ ದುರ್ಗದಮಠ, ಇಬ್ರಾಹಿಂ ಮೈಬೂಬಸಾಬ ಹನುಮಸಾಗರ, ದಾನೇಶ ಸಿದ್ದಪ್ಪ ದಶಮನಿ ಹಾಗು ಮುತ್ತಪ್ಪ ಕರಬಸಪ್ಪ
ತೆಂಗಣ್ಣನವರ ಬಂಧಿತರು.

ಆರೋಪಿಗಳಿಂದ 4 ಕೆ.ಜಿ ಅಡಿಕೆ, 4 ಕೆ.ಜಿ ತಂಬಾಕು, 5 ಕೆ.ಜಿ ಸುಣ್ಣ ಹಾಗು 5 ಕೆ.ಜಿ ಪಾಕೀಟ್​ ತಯಾರಾಗಿದ್ದ ಮಾವಾ ಸೇರಿದಂತೆ ಅಂದಾಜು 4 ಸಾವಿರ ರೂ. ಬೆಲೆಯ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ.

ಖಚಿತ ಮಾಹಿತಿ ಮೇರೆಗೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಲೋಕೇಶ್​ ಜಗಲಾಸರ ಮಾರ್ಗದರ್ಶನದಲ್ಲಿ ಈ ದಾಳಿ ನಡೆಸಲಾಗಿದೆ.