IND vs NZ: ಮೊದಲ ಟೆಸ್ಟ್​​ ಪಂದ್ಯದ ನಾಯಕತ್ವ ಜವಾಬ್ದಾರಿ ರಹಾನೆ ಹೆಗಲಿಗೆ

ನ್ಯೂಜಿಲ್ಯಾಂಡ್​ ವಿರುದ್ಧದ ಟೆಸ್ಟ್​ ಸರಣಿಯ ಮೊದಲ ಪಂದ್ಯಕ್ಕೆ ವಿರಾಟ್​ ಕೊಹ್ಲಿ (Virat Kohli) ಅನುಪಸ್ಥಿತಿ ಕಾಡಲಿದ್ದು, ತಂಡದ ನಾಯಕತ್ವ ಜವಾಬ್ದಾರಿ ಅಜಿಂಕ್ಯಾ ರಹಾನೆ ಹೆಗಲಿಗೆ ಬೀಳಲಿದೆ.

ಹೈದರಾಬಾದ್​:ವಿಶ್ವಕಪ್​ ಟೂರ್ನಿ ಮುಕ್ತಾಯಗೊಳ್ಳುತ್ತಿದ್ದಂತೆ ಟೀಂ ಇಂಡಿಯಾ ಕ್ರಿಕೆಟ್ (Indian Cricket Team) ತಂಡ ನ್ಯೂಜಿಲ್ಯಾಂಡ್​ ವಿರುದ್ಧದ ಕ್ರಿಕೆಟ್ ಸರಣಿಯಲ್ಲಿ ಭಾಗಿಯಾಗಲಿದೆ. ನವೆಂಬರ್​​ 17ರಿಂದ ಆರಂಭಗೊಳ್ಳಲಿರುವ ಸರಣಿಯಲ್ಲಿ ಮೊದಲಿಗೆ ಮೂರು ಟಿ20 ಪಂದ್ಯಗಳು ನಡೆಯಲಿದ್ದು, ತದನಂತರ ಟೆಸ್ಟ್​ ಸರಣಿ (India vs New Zealand Test series) ಆರಂಭಗೊಳ್ಳಲಿದೆ.

ಟಿ20 ಪಂದ್ಯಗಳಿಗಾಗಿ ಈಗಾಗಲೇ ರೋಹಿತ್​ ಶರ್ಮಾ ನೇತೃತ್ವದ ಟೀಂ ಇಂಡಿಯಾ (Team India) ಪ್ರಕಟಗೊಂಡಿದ್ದು ವೆಂಕಟೇಶ್​ ಅಯ್ಯರ್​​, ಆವೇಶ್ ಖಾನ್​ ಸೇರಿದಂತೆ ಕೆಲ ಹೊಸ ಪ್ರತಿಭೆಗಳಿಗೆ ಮಣೆ ಹಾಕಲಾಗಿದೆ. ಆದರೆ ಟೆಸ್ಟ್​​ ಪಂದ್ಯಗಳಿಗಾಗಿ ಟೀಂ ಇಂಡಿಯಾ ಘೋಷಣೆಯಾಗಿಲ್ಲ. ಈಗಾಗಲೇ ಕೆಲವೊಂದು ಪಂದ್ಯಗಳಿಂದ ಕೊಹ್ಲಿಗೆ ವಿಶ್ರಾಂತಿ ನೀಡಿರುವ ಕಾರಣ, ಮೊದಲ ಟೆಸ್ಟ್​​ ಪಂದ್ಯದ ನಾಯಕತ್ವ ಜವಾಬ್ದಾರಿ ಅಜಿಂಕ್ಯಾ ರಹಾನೆ (Ajinkya Rahane) ಹೆಗಲಿಗೆ ಬೀಳಲಿದೆ.

ವಿರಾಟ್​​ ಕೊಹ್ಲಿ ಗೈರು ಹಾಜರಿ ವೇಳೆ ರಹಾನೆ ಟೀಂ ಇಂಡಿಯಾ ಟೆಸ್ಟ್​ ತಂಡ ಮುನ್ನಡೆಸಿದ್ದಾರೆ. ಇದೇ ವರ್ಷ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್​ ಸರಣಿಯಲ್ಲಿ ವಿರಾಟ್​ ಅನುಪಸ್ಥಿತಿಯಲ್ಲಿ ರಹಾನೆ ನಾಯಕತ್ವ ಜವಾಬ್ದಾರಿ ವಹಿಸಿಕೊಂಡಿದ್ದರು. ಈ ವೇಳೆ ಟೀಂ ಇಂಡಿಯಾ ಐತಿಹಾಸಿಕ ಜಯ ಸಾಧಿಸಿತ್ತು.

ಭಾರತದಲ್ಲಿ ಕ್ರಿಕೆಟ್ ಸರಣಿ ಆರಂಭಗೊಳ್ಳಲಿದ್ದು ಪ್ರವಾಸಿ ನ್ಯೂಜಿಲ್ಯಾಂಡ್​ ತಂಡ ಮೂರು ಟಿ20 ಪಂದ್ಯಗಳ ಸರಣಿಯಲ್ಲಿ ಭಾಗಿಯಾಗಲಿದೆ. ನವೆಂಬರ್​ 17,19 ಹಾಗೂ 21ರಂದು ಈ ಪಂದ್ಯಗಳು ಜೈಪುರ್​, ರಾಂಚಿ ಹಾಗೂ ಕೋಲ್ಕತ್ತಾದಲ್ಲಿ ನಡೆಯಲಿವೆ. ಇದಾದ ಬಳಿಕ ನವೆಂಬರ್​​ 25ರಿಂದ ಎರಡು ಟೆಸ್ಟ್​​ ಪಂದ್ಯಗಳ ಸರಣಿ ಆರಂಭಗೊಳ್ಳಲಿದ್ದು, ಮೊದಲ ಟೆಸ್ಟ್​ ಪಂದ್ಯ ಕಾನ್ಪುರ್ ಹಾಗೂ ಎರಡನೇ ಪಂದ್ಯ ಮುಂಬೈನ ವಾಂಖೆಡೆ ಮೈದಾನದಲ್ಲಿ ಆಯೋಜನೆಗೊಂಡಿದೆ.