Tokyo Olympics: ಜಪಾನ್​​​​ಗೆ ಫಿಸಿಯೋ, ಕೋಚ್ ಕಳುಹಿಸುವಂತೆ ಪೋಗಟ್​​, ಮನಿಕಾ ಬಾತ್ರಾ ಮನವಿ

ಭಾರತದ ಕಾಲಮಾನದ ಪ್ರಕಾರ ಇಂದು ಸಂಜೆ ವೇಳೆಗೆ ಒಲಿಂಪಿಕ್ ಕ್ರೀಡಾಕೂಟ ಆರಂಭವಾಗುತ್ತಿದ್ದು, ಭಾರತದಿಂದ ಒಟ್ಟು 127 ಕ್ರೀಡಾಪಟುಗಳು ಪ್ರಶಸ್ತಿಗಾಗಿ ಮೈದಾನಕ್ಕಿಳಿಯಲಿದ್ದಾರೆ. ಈ ನಡುವೆ ಕುಸ್ತಿಪಟು ವಿನೇಶ್ ಫೋಗಟ್​ ಮತ್ತು ಟೇಬಲ್ ಟೆನಿಸ್ ಆಟಗಾರ್ತಿ ಮನಿಕಾ ತಮ್ಮ ಫಿಸಿಯೋ ಹಾಗೂ ಪರ್ಸನಲ್ ಕೋಚ್​​​​ಗಳನ್ನು ಜಪಾನ್ ಕಳುಹಿಸುವಂತೆ ಮನವಿ ಮಾಡಿದ್ದಾರೆ.

ನವದೆಹಲಿ:ಇಂದಿನಿಂದ ಟೋಕಿಯೋ ಒಲಿಂಪಿಕ್ ಆರಂಭವಾಗುತ್ತಿದ್ದು, ಭಾರತೀಯ ಕ್ರೀಡಾಪಟುಗಳು ಈಗಾಗಲೇ ಜಪಾನ್ ತಲುಪಿದ್ದಾರೆ. ಈ ನಡುವೆ ಭಾರತೀಯ ಮಹಿಳಾ ಕುಸ್ತಿಪಟು ವಿನೇಶ್​​ ಪೋಗಟ್​​​ ಅವರ ಜೊತೆ ಫಿಸಿಯೋ ಕಳುಹಿಸುವಂತೆ ಇಂಡಿಯನ್ ಒಲಿಂಪಿಕ್ ಅಸೋಸಿಯೇಷನ್ ಮತ್ತು ಸ್ಪೋರ್ಟ್ಸ್​ ಅಥಾರಿಟಿ ಆಫ್ ಇಂಡಿಯಾಗೆ ಮನವಿ ಮಾಡಿದ್ದಾರೆ.

ಈ ಕುರಿತು ಹಿರಿಯ ಅಧಿಕಾರಿಯೊಬ್ಬರು ಮಾತನಾಡಿ, ಹೌದು ಆಕೆ ಮೌಖಿಕವಾಗಿ ಈ ಮನವಿ ಮಾಡಿಕೊಂಡಿದ್ದಾರೆ. ಐಒಎ ಮತ್ತು ಎಸ್​ಎಐಗಳು ಈ ಬಗ್ಗೆ ಪರಿಶೀಲನೆ ನಡೆಸುತ್ತಿವೆ. ಈ ಹಂತದಲ್ಲಿ ಯಾವ ರೀತಿಯ ನಿರ್ಧಾರ ಕೈಗೊಳ್ಳಬಹುದು, ನಾವೇನು ಪರಿಹಾರ ನೀಡಬಹುದು ಎಂಬುದನ್ನು ನೋಡುತ್ತಿದ್ದೇವೆ ಎಂದಿದ್ದಾರೆ.

ಇವರಲ್ಲದೇ ಮೂರು ದಿನಗಳ ಹಿಂದೆ ಟೇಬಲ್ ಟೆನಿಸ್ ಆಟಗಾರ್ತಿ ಮನಿಕಾ ಬಾತ್ರಾ ಸಹ ಜಪಾನ್​ಗೆ ಅವರ ಪರ್ಸನಲ್ ಕೋಚ್ ಕಳುಹಿಸಿಕೊಡುವಂತೆ ಮನವಿ ಮಾಡಿದ್ದರು. ಆದರೆ, ಈ ಮನವಿ ಕುರಿತು ಈವರೆಗೆ ಟೇಬಲ್ ಟೆನಿಸ್​ ಫೆಡರೇಶನ್​ ಆಫ್ ಇಂಡಿಯಾ ಯಾವುದೇ ನಿರ್ಧಾರ ಕೈಗೊಂಡಿಲ್ಲ ಎನ್ನಲಾಗಿದೆ. ಆದರೆ, ಫೆಡರೇಶನ್ ಕಾರ್ಯದರ್ಶಿ ಅರುಣ್ ಕುಮಾರ್ ಪ್ರತಿಕ್ರಿಯಿಸಿ, ಮನಿಕಾ ಬಾತ್ರಾ ತಮ್ಮ ಕೋಚ್​ ಅವರನ್ನ ಜಪಾನ್​ಗೆ ಕಳುಹಿಸಲು ಮನವಿ ಮಾಡಿದ್ದು ನಿಜ ಎಂದಿದ್ದಾರೆ.

ಓದಿ:Tokyo Olympics -2021: ಆರ್ಚರಿ ವಿಭಾಗದಲ್ಲಿ ದೀಪಿಕಾ ಕುಮಾರಿಗೆ 9ನೇ ಸ್ಥಾನ