ಕೈರೋ(ಈಜಿಪ್ಟ್):ಭಾರತದ ಶೂಟರ್ ರುದ್ರಂಕ್ಷ್ ಪಾಟೀಲ್ ಅವರು ಈಜಿಪ್ಟ್ನ ಕೈರೋದಲ್ಲಿ ನಡೆದ ಇಂಟರ್ನ್ಯಾಷನಲ್ ಶೂಟಿಂಗ್ ಸ್ಪೋರ್ಟ್ ಫೆಡರೇಶನ್ (ಐಎಸ್ಎಸ್ಎಫ್) ಅಧ್ಯಕ್ಷರ ಕಪ್ ಗೆಲ್ಲುವ ಮೂಲಕ ಭರ್ಜರಿಯಾಗಿ 2022 ರ ಋತು ಮುಗಿಸಿದರು. 10 ಮೀಟರ್ ರೈಫಲ್ ಪ್ಲೇ ಆಫ್ ಸ್ಪರ್ಧೆಯಲ್ಲಿ ಇಟಲಿಯ ಡ್ಯಾನಿಲೊ ಸೊಲ್ಲಜ್ಜೊರನ್ನು 16- 8 ಅಂಕಗಳಿಂದ ಪರಾಭವಗೊಳಿಸಿದರು.
18 ವರ್ಷದ ರುದ್ರಂಕ್ಷ್ ಪಾಟೀಲ್ ಈ ಸಾಧನೆಯ ಮೂಲಕ 2024 ರ ಪ್ಯಾರಿಸ್ ಒಲಿಂಪಿಕ್ಸ್ಗೆ ನೇರ ಅರ್ಹತೆ ಪಡೆದರು. ಒಲಿಂಪಿಕ್ ಚಿನ್ನದ ಪದಕ ವಿಜೇತ ಅಭಿನವ್ ಬಿಂದ್ರಾ, ತೇಜಸ್ವಿನಿ ಸಾವಂತ್, ಮಾನವಜಿತ್ ಸಿಂಗ್ ಸಂದು, ಓಂ ಪ್ರಕಾಶ್ ಮಿಥೆರ್ವಾಲ್ ಮತ್ತು ಅಂಕುರ್ ಮಿತ್ತಲ್ ನಂತರ ಈ ಸ್ಪರ್ಧೆಯಲ್ಲಿ ನೇರ ಅರ್ಹತೆ ಪಡೆದ ಭಾರತದ ಆರನೇ ಶೂಟರ್ ಆಗಿದ್ದಾರೆ.