ಸ್ಟ್ರಾಂಡ್​ಜಾ ಮೆಮೊರಿಯಲ್​ ಬಾಕ್ಸಿಂಗ್: ಚಿನ್ನದ ಪದಕಕ್ಕೆ ಮುತ್ತಿಕ್ಕಿದ ಭಾರತದ ನಿಖಾತ್​, ನೀತು

Strandja Memorial Boxing Tournament-2022.. 25 ವರ್ಷದ ಜರೀನ್​ ಮಾಜಿ ವಿಶ್ವಚಾಂಪಿಯನ್​ ಉಕ್ರೇನ್​ನ ಕೆ.ತೆಟಿಯಾನ ವಿರುದ್ಧ 4-1 ಅಂಕಗಳ ಅಂತರದಲ್ಲಿ ಜಯ ಸಾಧಿಸಿದರು. ಅವರು ಸೆಮಿಫೈನಲ್​ನಲ್ಲಿ ಟೋಕಿಯೋ ಒಲಿಂಪಿಕ್ಸ್ ಬೆಳ್ಳಿ ಪದಕ ವಿಜೇತೆ ಟರ್ಕಿಯ ಬುಸೆ ನಾಜ್​ ಜಾಕಿರೋಗ್ಲು ವಿರುದ್ಧ ಜಯ ಸಾಧಿಸಿ ಫೈನಲ್ ತಲುಪಿದ್ದರು.

ನವದೆಹಲಿ: ಭಾರತದ ಬಾಕ್ಸರ್​ಗಳಾದ ನಿಖಾತ್​ ಜರೀನ್​ ಮತ್ತು ನೀತು ಬಲ್ಗೇರಿಯಾದ ಸೋಫಿಯಾದಲ್ಲಿ ನಡೆಯುತ್ತಿರುವ 73ನೇ ಸ್ಟ್ರಾಂಡ್​ಜಾ ಮೆಮೊರಿಯಲ್ ಬಾಕ್ಸಿಂಗ್ ಟೂರ್ನಮೆಂಟ್​ನಲ್ಲಿ ಚಿನ್ನದ ಪದಕ ಜಯಿಸಿದ್ದಾರೆ.

25 ವರ್ಷದ ಜರೀನ್​ ಮಾಜಿ ವಿಶ್ವಚಾಂಪಿಯನ್​ ಉಕ್ರೇನ್​ನ ಕೆ.ತೆಟಿಯಾನ ವಿರುದ್ಧ 4-1 ಅಂಕಗಳ ಅಂತರದಲ್ಲಿ ಜಯ ಸಾಧಿಸಿದರು. ಅವರು ಸೆಮಿಫೈನಲ್​ನಲ್ಲಿ ಟೋಕಿಯೋ ಒಲಿಂಪಿಕ್ಸ್ ಬೆಳ್ಳಿ ಪದಕ ವಿಜೇತೆ ಟರ್ಕಿಯ ಬುಸೆ ನಾಜ್​ ಜಾಕಿರೋಗ್ಲು ವಿರುದ್ಧ ಜಯ ಸಾಧಿಸಿ ಫೈನಲ್ ತಲುಪಿದ್ದರು.

ಮಾಜಿ ಜೂನಿಯರ್ ವಿಶ್ವ ಚಾಂಪಿಯನ್​ ನಿಖಾತ್ ಯುರೋಪ್​ನ ಅತ್ಯಂತ ಹಳೆಯ ಅಂತಾರಾಷ್ಟ್ರೀಯ ಬಾಕ್ಸಿಂಗ್ ಟೂರ್ನಮೆಂಟ್​ನಲ್ಲಿ ಗೆದ್ದ 2ನೇ ಚಿನ್ನದ ಪದಕವಾಗಿದೆ. ಅವರು 2019ರ ಆವೃತ್ತಿಯಲ್ಲಿ ಚಿನ್ನದ ಪದಕ ಮುಡಿಗೇರಿಸಿಕೊಂಡಿದ್ದರು.

ನೀತು 48 ಕೆಜಿ ವಿಭಾಗದಲ್ಲಿ ಹಾಲಿ ಯೂತ್​ ವಿಶ್ವಚಾಂಪಿಯನ್​ಶಿಪ್​​ ಕಂಚಿನ ಪದಕ ವಿಜೇತೆ ಇಟಲಿಯ ಎರಿಕಾ ಪ್ರಿಸಿಯಾಂಡ್ರೊ ವಿರುದ್ಧ 5-0 ಬಾಟ್​ಗಳ ಅಂತರದಲ್ಲಿ ಗೆದ್ದು ಸ್ವರ್ಣಕ್ಕೆ ಮುತ್ತಿಕ್ಕಿದರು.

ನಿಖಾತ್ ಜರೀನ್​

81+ ಕೆಜಿ ವಿಭಾಗದಲ್ಲಿ ನಂದಿನಿ ಕಂಚಿನ ಪದಕ ಪಡೆದರು. ಭಾರತದ ಬಾಕ್ಸಿಂಗ್ ತಂಡ ಈ ವರ್ಷದ ಮೊದಲ ಟೂರ್ನೆಮೆಂಟ್​ನಲ್ಲಿ 3 ಪದಕಗಳನ್ನು ಪಡೆಯುವಲ್ಲಿ ಯಶಸ್ವಿಯಾಗಿದೆ.

ಇದನ್ನೂ ಓದಿ:ಕೆಕೆಆರ್​-ಸಿಎಸ್​ಕೆ ನಡುವೆ ಐಪಿಎಲ್ ಉದ್ಘಾಟನಾ ಪಂದ್ಯ: ಶೇ.25 ರಷ್ಟು ಪ್ರೇಕ್ಷಕರಿಗೆ ಅಸ್ತು ಎಂದ 'ಮಹಾ'ಸರ್ಕಾರ