ಆಗ್ರ: ವೆಸ್ಟ್ ಇಂಡೀಸ್ ಕ್ರಿಕೆಟ್ ತಂಡದ ಮಾಜಿ ನಾಯಕ ಬ್ರಿಯಾನ್ ಲಾರಾ ಸೋಮವಾರ ಭಾರತದ ಪ್ರಸಿದ್ಧ ಸ್ಮಾರಕ ತಾಜ್ ಮಹಲ್ಗೆ ಭೇಟಿ ನೀಡಿದ್ದಾರೆ. ಸೋಮವಾರ ಬೆಳಗ್ಗೆ 7 ಗಂಟೆಯ ಸಂದರ್ಭದಲ್ಲಿ ಸ್ಮಾರಕಕ್ಕೆ ಆಗಮಿಸಿದ ವಿಂಡೀಸ್ ಲೆಜೆಂಡ್, ಅರ್ಧಗಂಟೆಗೂ ಹೆಚ್ಚು ಸಮಯವನ್ನು ಅಲ್ಲಿ ಕಳೆದಿದ್ದಾರೆ. ಇವರಿಗೆ ಟೂರಿಸ್ಟ್ ಗೈಡ್ ರಿಜ್ವಾನ್ ತಾಜ್ಮಹಲ್ ಇತಿಹಾಸ, ನಿರ್ಮಾಣ ಮತ್ತು ಸೌಂದರ್ಯದ ಬಗ್ಗೆ ಮಾಹಿತಿ ತಿಳಿಸಿಟ್ಟರು.
ವೆಸ್ಟ್ ಇಂಡೀಸ್ ತಂಡದ ಮಾಜಿ ನಾಯಕ ಲಾರಾ ಪ್ರಸ್ತುತ ಐಪಿಎಲ್ನಲ್ಲಿ ಸನ್ರೈಸರ್ಸ್ ಹೈದರಾಬಾದ್ ಬ್ಯಾಟಿಂಗ್ ಕೋಚ್ ಆಗಿರುವ ಬ್ರಿಯಾನ್ ಲಾರಾ ಈ ಹಿಂದೆ 1984ರಲ್ಲಿ ಪ್ರಸಿದ್ಧ ಸ್ಮಾರಕವನ್ನು ನೋಡಲು ಆಗಮಿಸಿದ್ದರು. ಇದೀಗ ಐಪಿಎಲ್ ಮೆಗಾ ಹರಾಜಿಗೆ ಆಗಮಿಸಿದ್ದ ಅವರನ್ನು ತಾಜ್ ಮಹಲ್ ಕ್ರೇಜ್ ಮತ್ತೆ ತನ್ನತ್ತ ಕರೆಸಿಕೊಂಡಿದೆ ಎಂದು ಲಾರಾ ರಿಜ್ವಾನ್ ಬಳಿ ತಿಳಿಸಿದ್ದಾರೆ. ತಾಜ್ ಮಹಲ್ ಸೌಂದರ್ಯಕ್ಕೆ ದಿಗ್ಬ್ರಮೆಗೊಂಡ ಲಾರಾ ಜೊತೆಗೆ ಬಂದಿದ್ದ ಸ್ನೇಹಿತರು ಮತ್ತೆ ಕುಟುಂಬದೊಂದಿಗೆ ಹಿಂತಿರುಗುವ ಬಯಕೆಯನ್ನು ವ್ಯಕ್ತಪಡಿಸಿದ್ದಾರೆ.