ಇಂಗ್ಲೆಂಡ್ :2017ರ ವಿಶ್ವಕಪ್ ವಿಜೇತ ಕ್ರಿಕೆಟಿಗರಾದ ಕ್ಯಾಥರೀನ್ ಬ್ರಂಟ್ ಮತ್ತು ನ್ಯಾಟ್ ಸ್ಕಿವರ್ ವಾರಾಂತ್ಯದಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಮಾಜಿ ಇಂಗ್ಲೆಂಡ್ ವೇಗಿ ಇಸಾ ಗುಹಾ ತಮ್ಮ ಇನ್‌ಸ್ಟಾಗ್ರಾಮ್ನಲ್ಲಿ ಇವರ ಮದುವೆ ಫೋಟೋವನ್ನು ಹಂಚಿಕೊಂಡಿದ್ದಾರೆ.
ಬರ್ನ್ಟ್ ಮತ್ತು ಸ್ಕಿವರ್ ಮದುವೆ ಫೋಟೋವನ್ನು ಹಂಚಿಕೊಂಡಿರುವ ಇಂಗ್ಲೆಂಡ್ ವೇಗಿ ಇಸಾ ಗುಹಾ, ‘ಹೆಮ್ಮೆ.. ನಿಮ್ಮಿಬ್ಬರನ್ನೂ ಪ್ರೀತಿಸುತ್ತೇನೆ’ ಅಂತಾ ಬರೆದುಕೊಂಡಿದ್ದಾರೆ. ಅಷ್ಟೇ ಅಲ್ಲ, ಇಂಗ್ಲೆಂಡ್ ಕ್ರಿಕೆಟ್ ಕೂಡ ಈ ನವದಂಪತಿಗೆ ಶುಭಹಾರೈಸಿದೆ. ‘ವಾರಾಂತ್ಯದಲ್ಲಿ ವಿವಾಹವಾದ ಕ್ಯಾಥರೀನ್ ಬ್ರಂಟ್ ಮತ್ತು ನ್ಯಾಟ್ ಸ್ಕಿವರ್ ಅವರಿಗೆ ನಮ್ಮ ಆತ್ಮೀಯ ಅಭಿನಂದನೆಗಳು’ ಎಂದು ಇಂಗ್ಲೆಂಡ್ ಕ್ರಿಕೆಟ್ ಟ್ವೀಟ್ ಮಾಡಿದೆ.
ದಕ್ಷಿಣ ಆಫ್ರಿಕಾದ ಮಾರಿಜಾನ್ನೆ ಕಪ್ ಮತ್ತು ಡೇನ್ ವ್ಯಾನ್ ನಿಕೆರ್ಕ್, ನ್ಯೂಜಿಲೆಂಡ್‌ನ ಆಮಿ ಸ್ಯಾಟರ್ಥ್‌ವೈಟ್ ಮತ್ತು ಲಿಯಾ ತಹುಹು ನಂತರ ಸ್ಕಿವರ್ ಮತ್ತು ಬ್ರಂಟ್ ಈಗ ಮತ್ತೊಂದು ಕ್ರಿಕೆಟ್ ಜೋಡಿಯಾಗಿದ್ದಾರೆ. 2017ರಲ್ಲಿ ಲಾರ್ಡ್ಸ್‌ನಲ್ಲಿ ನಡೆದ ಮಹಿಳಾ ಕ್ರಿಕೆಟ್ ವಿಶ್ವಕಪ್ ಫೈನಲ್‌ನಲ್ಲಿ ಇಂಗ್ಲೆಂಡ್ ತಂಡ ಭಾರತ ವಿರುದ್ಧ ಜಯ ದಾಖಲಿಸಿ ಟ್ರೋಫಿ ಎತ್ತಿ ಹಿಡಿದಿತ್ತು.
ಇದಾದ ಕೆಲವೇ ಗಂಟೆಗಳ ಬಳಿಕ 34 ವರ್ಷದ ಕ್ಯಾಥರೀನ್ ಬ್ರಂಟ್ ಇಂಗ್ಲೆಂಡ್‌ನ ವೇಗದ ಬೌಲರ್‌ ಕ್ಯಾಥರೀನ್ ಬ್ರಂಟ್ ತಮ್ಮ ಜೊತೆಗಾರ್ತಿ ನಥಾಲಿ ಸ್ಕಿವರ್ಗೆ ಪ್ರಪೋಸ್ ಮಾಡಿದ್ದರು. ಬಳಿಕ ಅವರ ಜೊತೆಗಿನ ಸಂಬಂಧವನ್ನು ಬಹಿರಂಗ ಪಡಿಸಿದರು.