ಮೊಟೇರಾದಲ್ಲಿ ವಾಷಿಂಗ್ಟನ್​ "ಸುಂದರ" ಮನಮೋಹಕ ಆಟ : ಭಾರತ 160 ರನ್​ಗಳ ಮುನ್ನಡೆ​

ಮೊದಲ ಇನ್ನಿಂಗ್ಸ್​​ನಲ್ಲಿ ಇಂಗ್ಲೆಂಡ್​ 205 ರನ್​ಗಳಿಕೆ ಮಾಡಿದೆ. ಇದಕ್ಕೆ ಪ್ರತ್ಯುತ್ತರವಾಗಿ ಬ್ಯಾಟಿಂಗ್​ ಆರಂಭಿಸಿರುವ ಕೊಹ್ಲಿ ಪಡೆ ಮೊನ್ನೆ 1ವಿಕೆಟ್​ನಷ್ಟಕ್ಕೆ 24 ರನ್​ಗಳಿಕೆ ಮಾಡಿತ್ತು. ನಿನ್ನೆ ಬ್ಯಾಟಿಂಗ್​ ಮುಂದುವರಿಸಿದ ಭಾರತ ಮೇಲಿಂದ ಮೇಲೆ ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೊಳಗಾಗಿತ್ತು.

ಅಹಮದಾಬಾದ್​:ಪ್ರವಾಸಿ ಇಂಗ್ಲೆಂಡ್​ ವಿರುದ್ಧದ 4ನೇ ಟೆಸ್ಟ್​ ಪಂದ್ಯದ ಮೊದಲ ಇನ್ನಿಂಗ್ಸ್​ನಲ್ಲಿ ಟೀಂ ಇಂಡಿಯಾ 365 ರನ್​ಗಳಿಗೆ ಆಲೌಟ್​ ಆಗಿದೆ.

89 ರನ್​ಗಳ ಮುನ್ನಡೆ ಪಡೆದುಕೊಂಡ ಭಾರತ ಮೂರನೇ ದಿನ ಬ್ಯಾಟಿಂಗ್​ ಆರಂಭಿಸಿತ್ತು. ನಿನ್ನೆ ಕ್ರೀಸ್​ನಲ್ಲಿದ್ದ ಸುಂದರ್ ಹಾಗೂ ಅಕ್ಸರ್​​ ಪಟೇಲ್​ ಇಂದು ತಮ್ಮ ಆಟ ಮುಂದುವರೆಸಿದರು. ನಿನ್ನೆ 6 ವಿಕೆಟ್​ ಕಳೆದುಕೊಂಡಿದ್ದ ಭಾರತ ತಂಡ ಇಂದು 4 ವಿಕೆಟ್​ ಕಳೆದುಕೊಂಡು 71 ರನ್​ ಗಳಿಸಿತು. ಟೀಮ್ ಇಂಡಿಯಾ ಪರ ವಾಷಿಂಗ್ಟನ್​ ಸುಂದರ್​ 96* ರನ್​ಗಳಿಸಿದರೆ, ಅಕ್ಸರ್​​ ಪಟೇಲ್ 43 ರನ್​ಗಳಿಸಿ ಮಿಂಚಿದರು. ಇನ್ನುಳಿದಂತೆ ಇಶಾಂತ್​ ಶರ್ಮಾ ಹಾಗೂ ಸಿರಾಜ್​ ಶ್ಯೂನ್ಯಕ್ಕೆ ಔಟಾದರು. ಕೊನೆಯದಾಗಿ ಭಾರತ ತಂಡ ಮೊದಲ ಇನ್ನಿಂಗ್ಸ್​ನಲ್ಲಿ 365 ರನ್​ಗಳಿಗೆ ಆಲೌಟ್ ಆಯಿತು.​

ಮೊದಲ ಇನ್ನಿಂಗ್ಸ್​​ನಲ್ಲಿ ಇಂಗ್ಲೆಂಡ್​ 205 ರನ್​ಗಳಿಕೆ ಮಾಡಿದೆ. ಇದಕ್ಕೆ ಪ್ರತ್ಯುತ್ತರವಾಗಿ ಬ್ಯಾಟಿಂಗ್​ ಆರಂಭಿಸಿರುವ ಕೊಹ್ಲಿ ಪಡೆ ಮೊನ್ನೆ 1ವಿಕೆಟ್​ನಷ್ಟಕ್ಕೆ 24 ರನ್​ಗಳಿಕೆ ಮಾಡಿತ್ತು. ನಿನ್ನೆ ಬ್ಯಾಟಿಂಗ್​ ಮುಂದುವರಿಸಿದ ಭಾರತ ಮೇಲಿಂದ ಮೇಲೆ ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೊಳಗಾಗಿತ್ತು.

ಈ ಮಧ್ಯೆ ಉತ್ತಮವಾಗಿ ಬ್ಯಾಟ್​ ಬೀಸಿದ ರೋಹಿತ್​ ಶರ್ಮಾ 49 ರನ್, ರಿಷಭ್ ಪಂತ್​ ಆಕರ್ಷಕ 101ರನ್​ ಹಾಗೂ ವಾಷಿಂಗ್ಟನ್​ ಸುಂದರ್​ ಅಜೇಯ 60 ರನ್​ಗಳಿಕೆ ಮಾಡಿ ತಂಡ ಮೇಲುಗೈ ಸಾಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಭಾರತ ತಂಡ 2ನೇ ದಿನದಾಟದ ಅಂತ್ಯಕ್ಕೆ 7 ವಿಕೆಟ್​ ನಷ್ಟಕ್ಕೆ 294 ರನ್​ಗಳಿಕೆ ಮಾಡಿದ್ದು, 89ರನ್​ಗಳ ಮುನ್ನಡೆ ಪಡೆದುಕೊಂಡಿತ್ತು.

ಟೀಂ ಇಂಡಿಯಾ ಪರ ಶುಬ್ಮ​ನ್ ಗಿಲ್​ (0), ಚೇತೇಶ್ವರ್​ ಪೂಜಾರಾ (17), ವಿರಾಟ್​ ಕೊಹ್ಲಿ (0),ರಹಾನೆ (27), ಆರ್.ಅಶ್ವಿನ್ ​(13)ರನ್​ಗಳಿಕೆ ಮಾಡಿ ವಿಕೆಟ್ ಒಪ್ಪಿಸಿದರು. ಇದೀಗ ಸುಂದರ್ ಹಾಗೂ ಅಕ್ಸರ್​​ ಪಟೇಲ್​ ನಾಳೆಗೆ ಬ್ಯಾಟಿಂಗ್ ಕಾಯ್ದಿರಿಸಿಕೊಂಡಿದ್ದಾರೆ.

ಇಂಗ್ಲೆಂಡ್​ ಪರ ​ಆ್ಯಂಡರ್​ಸನ್​ 3 ವಿಕೆಟ್​, ಬೆನ್​ ಸ್ಟೋಕ್ಸ್​​ 4 ಹಾಗೂ ಜಾಕ್​ ಲೆಚ್​ 2 ವಿಕೆಟ್ ಪಡೆದುಕೊಂಡಿದ್ದಾರೆ.